Ferðastyrkir fyrir doktorsnema við Háskóla Íslands eru ætlaðir til að standa straum af kostnaði ráðstefnuferða erlendis og er ætlast til að doktorsneminn sé með faglegt framlag á þeirri ráðstefnu sem sótt er um styrk fyrir. Einnig geta doktorsnemar sótt um styrk vegna námskeiða og sumarskóla erlendis sýni þeir fram á samþykkta skráningu ásamt stuttum rökstuðningi fyrir því hvernig sú þátttaka gagnast doktorsnámi viðkomandi. Opið er fyrir umsóknir. Upphæð styrks er að hámarki 100.000 kr. Árlegri skráningu hjá Nemendaskrá fyrir háskólaárið þarf að vera lokið svo umsókn teljist gjaldgeng í sjóðinn. Nánari upplýsingar veitir Vísinda- og nýsköpunarsvið Umsóknareyðublað má nálgast hér (ath. það þarf að búa til notendareikning á Researchweb til að senda inn umsókn í fyrsta skipti). Sótt er um ferðastyrk EFTIR að ferðin hefur verið farin. Ef spurningar vakna um styrkhæfi áður er ferðin er farin er velkomið að hafa samband við Vísinda- og nýsköpunarsvið sem veitir nánari upplýsingar. Almenn skilyrði fyrir styrkveitingu FERÐASTYRKIR DOKTORSNEMA – SKILYRÐI Nemandi verður að vera skráður í doktorsnám við Háskóla Íslands. Nemandi verður að hafa sinnt árlegri skráningu hjá nemendaskrá (á að eiga sér stað í mars ár hvert). Nemandi sem sækir um vegna ráðstefnu erlendis verður að hafa haft framlag á henni (erindi, veggspjald eða annars konar faglegt framlag). Nemandi sem sækir um vegna námskeiðs eða sumarskóla erlendis verður að gera grein fyrir því hvernig þátttaka viðkomandi mun/hefur gagnast doktorsnáminu. Þeir sem hafa þrisvar sinnum hlotið ferðastyrk úr Rannsóknasjóði geta ekki vænst þess að fá framvegis styrk úr sjóðnum. Hægt er að sækja um fyrir einni ferð á ári. Greiðsla á styrk Við greiðslu á styrk er farið eftir verklagsreglum Háskólans um útlagðan kostnað. Styrkþegi þarf að sýna fram á kostnað fyrir að minnsta kosti 100.000kr. til þess að fá styrkinn greiddan að fullu. Nauðsynlegt er að hlaða inn kvittunum og skjáskotum úr heimabanka í umsóknareyðublaðinu. Hægt er að fara aftur inn í umsóknareyðublaðið til að bæta við gögnum. Dæmi um slík skjöl eru: Kvittun fyrir skráningu og greiðslu ráðstefnugjalda ásamt skjáskotum úr heimabanka fyrir greiðslunni. Staðfesting á ferðabókun, eins og flugmiði eða lestarmiðar og kvittanir, ásamt skjáskotum úr heimabanka fyrir greiðslunni. Staðfesting á bókun og kvittun fyrir gistingu ásamt skjáskotum úr heimabanka fyrir greiðslunni. Tengt efni The UI Research fund Travel grants Doktorsstyrkir Háskóla Íslands Erasmus+ styrkir fyrir doktorsnema facebooklinkedintwitter
