Stjórnmálafræði

Félagsvísindasvið

Stjórnmálafræði

MA – 120 einingar

Meistaranám í stjórnmálafræði er valkostur fyrir þá nemendur sem hafa hug á að sérhæfa sig í einhverjum af þeim megingreinum stjórnmálafræðinnar sem ekki eru kenndar á sérstökum námsleiðum. Námið miðar að því að þjálfa nemendur í úrlausn rannsóknarverkefna með frekara nám í huga en jafnframt nýtist námið sem góður grunnur fyrir fjölbreytt störf á vinnumarkaðnum. Fjarnám.

Sækja um nám

Show Um hvað snýst námið?

MA-nám í stjórnmálafræði er fræðilegt nám sem miðar að því að þjálfa nemendur í úrlausn rannsóknarverkefna með frekara nám eða fjölbreytt úrval starfa á vinnumarkaðnum í huga. Nemendur geta lagað námið töluvert að hugðarefnum en sameiginlegur kjarni miðast við að allir nemendur fái vissa grunnþjálfun í aðferðafræði félagsvísinda.

Stjórnmálafræðinámið við Háskóla Íslands er fjölbreytt og veitir útskrifuðum nemendum því ótal möguleika á að velja sér starf að námi loknu. Stjórnmálafræðingar hafa haslað sér völl víðs vegar í atvinnulífinu á undanförnum árum og fyrir utan kennslu og rannsóknir vinna stjórnmálafræðingar við margvísleg störf.

Uppbygging náms

Námið er 120 einingar og er sett upp sem fullt nám til tveggja ára.

Samsetning námsins er sveigjanleg með það í huga að laga megi áherslurnar að áhugasviði einstakra nemenda. Sameiginlegur kjarni miðar að því að nemendur fái vissa grunnþjálfun í aðferðafræði félagsvísinda, en að öðru leiti velja nemendur námskeið í tengslum við væntanlegt lokaverkefni.

Fyrirkomulag kennslu

Námið er kennt á íslensku og flestar kennslubækur eru á ensku.

Mögulegt er að ljúka námsleiðinni í staðnámi eða fjarnámi. Námsfyrirkomulagið fer eftir vali nemanda og leiðbeinanda á námskeiðum.

Meginmarkmið

Meðal annars er miðað er að því að nemendur:

breikki og dýpki þekkingu sína á völdu fræðasviði innan stjórnmálafræði.
geti með sjálfstæðum og faglegum hætti skilgreint rannsóknaviðfangsefni, sett fram rannsóknaspurningar og tilgátur.
geti greint á skýran og ótvíræðan hátt frá flóknum fræðilegum viðfangsefnum og eða fræðilega rökstuddum niðurstöðum, einn eða í samstarfi við aðra, bæði meðal sérfræðinga og leikmanna.

Annað

Nemendur eru hvattir til að skoða möguleika á að taka hluta námi sínu við einn af samstarfsskólum HÍ. Stjórnmálafræðideild er með skiptinema samninga við háskóla víða um heim.

Námið veitir aðgang að doktorsnámi

Skipulag náms

Óháð námsári

MA-ritgerð í stjórnmálafræði (STJ441L, STJ441L, STJ441L)

Lokaverkefni í MA-námi er sjálfstætt rannsóknarverkefni sem nemandi vinnur undir leiðsögn umsjónarkennara. Í verkefninu er tekist á við fræðilega krefjandi viðfangsefni og kenningum beitt á frumlegan hátt.

Nánar um námskeiðið