Opin vörn meistararitgerðar Margrétar Sjafnar Magnúsdóttur í lögfræði

Tjónstakmörkunarskyldan. Inntak, umfang og samanburður við tengdar reglur: 

Fjallað verður um meginregluna um skyldu tjónþola til að takmarka tjón sitt, hvernig hún birtist í íslenskri löggjöf og hvernig henni hefur verið beitt í framkvæmd íslenskra dómstóla. Í því sambandi verður athugað hvort marktækur munur sé á þeim kröfum sem gerðar eru til tjónþola um tjónstakmörkun eftir því hvort um er að ræða skaðabætur innan eða utan samninga. Þá verður tjónstakmörkunarskyldan borin saman við aðrar reglur sem henni tengjast, þ.e. annars vegar regluna um compensatio lucri cum damno og hins vegar meðábyrgð tjónþola vegna eigin sakar.

Leiðbeinandi: Viðar Már Matthíasson, rannsóknaprófessor og fyrrverandi hæstaréttrdómari

Prófdómari: Árni Kolbeinsson, fyrrverandi hæstaréttardómari