Sprettur
Sprettur er nýsköpunarverkefni á sviði menntunar sem miðar að inngildingu og gagnkvæmri aðlögun innflytjenda að háskólanámi. Verkefnið er starfrækt innan kennslusviðs Háskóla Íslands.
Sprettur stefnir að því að auka þátttöku innflytjenda í háskólanámi sem ein besta leiðin til að læra að lifa saman sem fjölmenningarlegt samfélag.
Gildi
Gildi Spretts eru inngilding, jöfn tækifæri til menntunar, gagnkvæm aðlögun, tengslamyndun innan háskólasamfélagsins, virk borgaravitund, félagslegt réttlæti, fjölmenningarleg viska, vistfræðileg hugsun, jarðarborgaravitund og hugarfar fróðleiksfýsnis.
Fyrir hverja?
Núverandi og verðandi háskólanemendur með erlendan bakgrunn eru hvattir til að taka þátt í Spretti til að fá aukinn stuðning í námi sínu, félagslífi.
Þrír hópar innflytjenda sem geta haft gagn af Spretti:
- Núverandi háskólanemendur með erlendan bakgrunn sem, og vilja verða hluti af námssamfélagi og byggja upp tengslanet, fá mentora tækifæri og leiðsögn í háskóla lífi.
- Nemendur á síðasta ári í framhaldsskóla sem eru áhugasamir um að hefja nám í háskóla og vilja fá aukna hjálp við nám og aðlögunarferlið í háskólaumhverfinu.
- Fullorðnir innflytjendur með mismunandi menntunarbakgrunn sem vilja halda áfram í sínu fagi eða byrja á nýju og ná betri tökum á íslensku.
Hvað gera þátttakendur í Spretti?
Þátttakendur í Spretti mæta á náms- og mentorastundir reglulega, vinnustofur og fjölbreyttar málstofur og fjölmenningarlega viðburði.
Þátttaka er sjálfviljug og ókeypis, en nemendur eru hvattir til að vera stöðugir í sínu eigin lærdómsferli og nýta tækifærið vel.
Hvað er í boði fyrir mig?
- Náms og félagslegur stuðningur
- Mentora stuðningur og tengslanet
- Persónuleg þróun
- Valdefling og inngilding
Hvernig tek ég þátt?
Sækja um Sprett hér.
Hafðu samband
Verkefnisstjóri býður upp á fjölbreyttar kynningar á Spretti. Kynningarnar geta verið fyrir bæði einstaklinga, fjölskyldur, nemendahópa og starfsmannahópa.
Hægt er að hafa kynningarnar rafrænar eða staðsettar í framhaldsskólum, stofnunum eða Háskóla Íslands.
Juan Camilo Roman Estrada
FJölmenningarfulltrúi og verkefnisstjóri Spretts
Netfang: juancamilo@hi.is
Sími: 525 5405
