Jarðvísindi

Verkfræði- og náttúruvísindasvið

Jarðvísindi

MS gráða – 120 einingar

Meistaranám í jarðvísindum er tveggja ára rannsóknartengt framhaldsnám sem hentar þeim sem hafa traustan raunvísindagrunn úr öðrum fögum en jarð- og jarðeðlisfræði.

Sækja um nám

Um hvað snýst námið?

Meistaranám í jarðvísindum er einkum ætlað nemendum með bakgrunn í öðrum greinum en jarð- eða jarðeðlisfræði.

Uppbygging náms

Námið er 120 einingar og er skipulagt sem fullt nám til tveggja ára.

Námið skiptist í:

Námskeið, 60 einingar
Meistaraverkefni, 60 einingar

Ef nemandi hefur engan grunn í jarðvísindum er honum skylt að taka eftirfarandi grunnnámskeið (núll-námskeið):

JAR101G Innri öfl Jarðar
JAR202G Ytri öfl Jarðar
JAR211G Steindafræði
JAR308G Setlagafræði og setberg

Námskeið sem í boði eru til MS-prófs í jarðvísindum eru þau sömu og fyrir aðra MS-nema í deildinni. Sjá MS nám í Jarðfræði og Jarðeðlisfræði.

Fyrirkomulag kennslu

Námið er kennt á ensku eða íslensku. Kennsluefni og kennslubækur eru á ensku.

Sum rannsóknaverkefni gætu að auki krafist undirstöðu sem veitt er í námskeiðum í grunnnámi. Nemendum er bent á að leita ráða hjá umsjónarkennara með námskeiðsval.

Meginmarkmið

Að nemendur tileinki sér þekkingu með námskeiðum og rannsóknum á sérhæfðu sviði innan jarðvísinda.

Að nemendur öðlist mikilvæga vitneskju um vandamál og viðfangsefni, byggða á nýjustu upplýsingum og rannsóknum á sviði jarðvísinda.

Annað

Meistaragráða í jarðvísindum opnar möguleika á doktorsnámi.

Sjá lista yfir allt doktorsnám á Verkfræði- og náttúruvísindasviði Háskóla Íslands.

Inntökuskilyrði

Inntökuskilyrði námsleiðar

Fyrsta háskólagráða, BS-próf, með lágmarkseinkunn 7,25 eða sambærilegri einkunn frá öðrum háskóla. Auk þess geta verið forkröfur/undirbúningsnámskeið sem verður að ljúka áður en hægt er að hefja meistaranám. Prófgráðan gæti hentað þeim nemendum sem hafa annan bakgrunn en jarðfræði eða jarðeðlisfræði en hyggja á framhaldsnám á sviði jarðvísinda.
Umsækjendur skulu skila stuttri greinargerð (1 bls.) þar sem þeir tilgreina hvers vegna þeir hafa áhuga á þessu námi, markmið með náminu og hugsanlegt viðfangsefni í meistararitgerð.
Öllum umsóknum skulu fylgja meðmæli frá 2 einstaklingum (kennari/yfirmaður) sem þekkja vel til umsækjenda og geta veitt honum skýra umsögn. Umsagnaraðilar þurfa að skila skriflegum umsögnum beint til Háskóla Íslands á netfangið umsokn@hi.is. Ef nemandi er að sækja um áframhaldandi nám í sömu deild þarf ekki að skila skriflegum umsögnum/meðmælabréfum.

Námskröfur

Tveggja ára rannsóknartengt framhaldsnám í jarðvísindum við Jarðvísindadeild Verkfræði- og náttúruvísindasviðs Háskóla Íslands. Námið er einkum ætlað nemendum með bakgrunn í öðrum greinum en jarð- eða jarðeðlisfræði. Námið er 120 ECTS einingar á stigi 2.2 og er fullgilt próf til prófgráðunnar magister scientiarum, MS. Skipulagt sem 2ja ára nám. Umfang rannsóknarverkefnis skal vera 60 ECTS einingar og a.m.k. 30 ECTS námskeiðseiningar af 60 ECTS námskeiðseiningaum skulu teknar við Jarðvísindadeild. MS-próf uppfyllir skilyrði fyrir aðgangi að doktorsnámi á 3. þrepi.

Nemendur með lítinn eða engan grunn í jarðvísindum er skylt að taka allt að 22,5 ECTS af grunnnámsskeiðum (núll-námskeiðum) í jarðvísindum sem gilda ekki til meistaragráðu. Val á námskeiðum er í samráði við umsjónarkennara og leiðbeinanda í upphafi fyrsta misseris. Fyrra nám á sviði jarðvísinda getur verið metið inn í þessar 22,5 ECTS.

Skipulag náms

Óháð námsári

Haust
Lokaverkefni
Vor
Lokaverkefni

Lokaverkefni (JVI401L)

Efni lokaverkefnis skal valið í samráði við leiðbeinanda (leiðbeinendur) úr hópi fastra kennara deildar. Lokaverkefnið er 60 einingar. Að öllu jöfnu tekur undirbúningur og vinna lokaverkefnis a.m.k. tvö misseri. Sérhverjum meistaranema er frá upphafi náms úthlutað umsjónarkennara sem leiðbeinir um skipulag námsins. Ef nemandi er ekki komin með leiðbeinanda fyrir lokaverkefni þá ber honum að snúa sér til umsjónarkennara til að fá aðstoð við það
Val viðfangsefnis er fyrst og fremst á ábyrgð nemandans en í samráði við leiðbeinanda. Þess skal gætt að verkefnið tengist viðfangsefnum viðkomandi námsleiðar
Próf lokaverkefnis skiptist í tvo hluta: Munnlegt próf og opinberan fyrirlestur
Viðstaddir í munnlegu prófi er nemandi, leiðbeinandi, prófdómari og meðlimir meistaranámsnefndar. Nemandinn heldur stutta kynningu um verkefnið sitt. Mikilvægt er að markmið og rannsóknarspurning (ar) komi skýrt fram, helstu niðurstöður og lærdóm sem draga má af verkefninu.
Samkvæmt reglum meistaranám sviðsins þurfa allir nemendur sem hyggjast brautskrást frá Verkfræði- og náttúruvísindasviði að halda opinberan fyrirlestur um lokaverkefnið sitt. Haldnir eru 3 meistaradagar á sviðinu á ári eða fyrir hverja brautskráningu þar sem nemendur kynna verkefnin sín með opinberum fyrirlestri.
Skil þarf rafrænu eintaki af lokaverkefni í Skemmuna sem er stafrænt varðveislusafn lokaverkefna við alla háskóla á Íslandi.
Samkvæmt reglum Háskóla Íslands eiga allar MS ritgerðir að vera opnar eftir að þeim hefur verið skilað inn á skemmuna.

Nánar um námskeiðið

Lokaverkefni (JVI401L)

Efni lokaverkefnis skal valið í samráði við leiðbeinanda (leiðbeinendur) úr hópi fastra kennara deildar. Lokaverkefnið er 60 einingar. Að öllu jöfnu tekur undirbúningur og vinna lokaverkefnis a.m.k. tvö misseri. Sérhverjum meistaranema er frá upphafi náms úthlutað umsjónarkennara sem leiðbeinir um skipulag námsins. Ef nemandi er ekki komin með leiðbeinanda fyrir lokaverkefni þá ber honum að snúa sér til umsjónarkennara til að fá aðstoð við það
Val viðfangsefnis er fyrst og fremst á ábyrgð nemandans en í samráði við leiðbeinanda. Þess skal gætt að verkefnið tengist viðfangsefnum viðkomandi námsleiðar
Próf lokaverkefnis skiptist í tvo hluta: Munnlegt próf og opinberan fyrirlestur
Viðstaddir í munnlegu prófi er nemandi, leiðbeinandi, prófdómari og meðlimir meistaranámsnefndar. Nemandinn heldur stutta kynningu um verkefnið sitt. Mikilvægt er að markmið og rannsóknarspurning (ar) komi skýrt fram, helstu niðurstöður og lærdóm sem draga má af verkefninu.
Samkvæmt reglum meistaranám sviðsins þurfa allir nemendur sem hyggjast brautskrást frá Verkfræði- og náttúruvísindasviði að halda opinberan fyrirlestur um lokaverkefnið sitt. Haldnir eru 3 meistaradagar á sviðinu á ári eða fyrir hverja brautskráningu þar sem nemendur kynna verkefnin sín með opinberum fyrirlestri.
Skil þarf rafrænu eintaki af lokaverkefni í Skemmuna sem er stafrænt varðveislusafn lokaverkefna við alla háskóla á Íslandi.
Samkvæmt reglum Háskóla Íslands eiga allar MS ritgerðir að vera opnar eftir að þeim hefur verið skilað inn á skemmuna.

Nánar um námskeiðið

Öll fög eru skyldufög nemaVValfagBBundið val er háð skilyrðum ENámskeiðið er ekki kennt á misserinuNámsleiðin í Kennsluskrá