Alþjóðadagar 4. - 6. nóvember | Háskóli Íslands Skip to main content

Alþjóðadagar 4. - 6. nóvember

Hvenær 
4. nóvember 2019 12:00 til 6. nóvember 2019 22:00
Hvar 

Háskóli Íslands

Nánar 
Aðgangur ókeypis

Á Alþjóðadögum sem standa yfir dagana 4. - 6. nóvember verður boðið upp á spennandi fyrirlestra, kynningar á möguleikum á námi erlendis, barsvar, tónlist og margt fleira.

Markmið Alþjóðadaga er að vekja athygli á alþjóðlegu samstarfi Háskólans og þeim fjölmörgu tækifærum sem standa nemendum og starfsfólki til boða um allan heim. Kynningar á skiptinámi, sumarnámi og starfsþjálfun, opnar öllum nemendum HÍ, verða í gangi alla dagana. Upplýsingastofa um nám erlendis verður með erindi um nám erlendis á eigin vegum og möguleikar á Erasmus+ ferða- og dvalarstyrkjum fyrir starfsfólk verða kynntir. Þá geta nemendur kynnt sér háskólanám í Svíþjóð og spjallað við fyrrum skiptinema.

ALÞJÓÐATORGIÐ
Miðvikudaginn 6. nóvember er svo komið að hápunkti Alþjóðadaga á Háskólatorgi milli kl. 11.30-13.00. Þar gefst nemendum kostur á að kynna sér skiptinám, starfsþjálfun og sumarnám, auk náms á eigin vegum. Fyrrum og núverandi skiptinemar, fulltrúar frá sendiráðum og fjölmörgum íslenskum stofnunum og félögum verða til viðtals á torginu. Svið og deildir háskólans og starfsfólk Skrifstofu alþjóðasamskipta verða einnig á staðnum og veita upplýsingar um námsdvöl erlendis. Starfsfólk háskólans getur kynnt sér möguleika á kennara- og starfsmannaskiptum og öðrum kostum sem bjóðast innan Erasmus+.

Hljómsveitin Syntagma Rebetiko lífgar upp á stemninguna með grískri kaffihúsatónlist. Hljómsveitina skipa þau Ásgeir Ásgeirsson, bouzouki, Sigrún Kristbjörg Jónsdóttir, fiðla, Margrét Arnardóttir, harmonikka og Alexandra Kjeld, bassi.


DAGSKRÁ ALÞJÓÐADAGA

 
Dagskráryfirlit

4. NÓVEMBER

12.00-12.30 
Óteljandi tækifæri til starfsþjálfunar erlendis 
HT-300

12.00-13.00
Námsdvöl erlendis - Pop-up kynning á Menntavísindasviði
Stakkahlíð

12.00-15.00
Study in Sweden – Ellefu sænskir háskólar kynna námsmöguleika 
Háskólatorg

13.20-14.00
Endalausir möguleikar - Kynning á skiptinámi og sumarnámi 
HT-104

14.00-14.40
Erasmus+ ferðastyrkir fyrir starfsfólk HÍ
HT-300

 

5. NÓVEMBER

12.00-12.40

Exchange Studies and Summer Courses Abroad – A presentation in English
HT-300

12.00-13.00
Námsdvöl erlendis - Pop-up kynning á Verkfræði- og náttúruvísindasviði
Tæknigarður

12.30-13.10
Endalausir möguleikar - Kynning á skiptinámi og sumarnámi 
HT-104

15.00-16.00
Nám og þjálfun erlendis á eigin vegum - Kynning frá Rannís
HT-103

16.30-17.30
Tübingen 20 ára: stutt skiptinám fyrir tungumálanema – kostir og gallar?
Veröld - fyrirlestrarsalur

20:00
Alþjóðlegt barsvar
Curious Bar – Hafnarstræti 4

 

6. NÓVEMBER

11.30-13.00
ALÞJÓÐATORGIÐ – Kynning á námi erlendis, tónlist, alþjóðlegt matar- og drykkjarsmakk og fleira
Háskólatorg

13.00-13.30
Endless Opportunities for Traineeships Abroad - A presentation in English
HT-300

15.00-15.40
Endalausir möguleikar - Kynning á skiptinámi og sumarnámi 
HT-104

16.00-17.00
Spjall við fyrrum skiptinema 
Stúdentakjallarinn

21.00
Lokapartý Alþjóðadaga – Hljómsveitin Les Métèques 
Stúdentakjallarinn

Markmið Alþjóðadaga er að vekja athygli á alþjóðlegu samstarfi Háskólans og þeim fjölmörgu tækifærum sem standa nemendum og starfsfólki til boða um allan heim.

Alþjóðadagar 4.-6. nóvember