Pólsk fræði

Hugvísindasvið

Aukagrein – 60 einingar

Nám í pólskum fræðum er í senn spennandi og áhugavert nám sem veitir innsýn í pólska tungu, menningu og samfélag.

Þetta nám er aukagrein sem er hægt að taka með öðru námi.

Show Um hvað snýst námið?

Námið er sett upp sem eins árs fullt nám en þú mátt ljúka því á tveimur árum ef þú vilt vera í hlutanámi.

Meðal viðfangsefna

Pólsk málnotkun
Málfræði, ritun og lestur
Menning og saga Póllands

Umsjónarkennari styður þig í náminu en hann er jafnframt umsjónarmaður námsleiðarinnar.

Þú getur nýtt námið sem aukagrein með öðru 120 eininga námi að uppfylltum ákveðnum skilyrðum ef stefnan er að ljúka bakkalárnámi.

Á mörgum fræðasviðum er hægt að taka eina námsleið sem aðalgrein og bæta svo við aukagrein af öðru fræðasviði. Það þarf samt alltaf að fá leyfi deildar ef námið er ekki í sömu deild eða á sama sviði og þetta nám.

Kynntu þér reglur um aðal- og aukagreinar í hjálplegu efni hér neðar á síðunni.

Skipulag náms

1. ár

Pólska: Málnotkun I (POL102G)

Þetta námskeið er fyrir alla þá sem hafa áhuga á pólsku. Engrar forkunnáttu er krafist þar sem námskeiðið er hugsað fyrir algera byrjendur. Í þessu námskeiði verður lögð áhersla á framburð, tileinkun orðaforða, skilning á töluðu máli og talmál. Nemendum sem vilja ná góðum tökum á öllum færniþáttum er bent á að taka einnig námskeiðið POL104G: Málfræði, lestur og ritun I.

Námskeiðið er kennt í 6 vikna lotu á fyrri hluta haustmisseris, tvisvar í viku 80 mínútur í senn, kl. 16:40 – 18:10, auk eins æfingatíma á viku í framburði. Námskeiðið er kennt á ensku og pólsku.

Nánar um námskeiðið

Pólska: Málnotkun II (POL103G)

Þetta námskeið er ætlað öllum sem hafa áhuga á pólsku og hafa lokið námskeiðinu Pólska: Málnotkun I eða hafa grunnþekkingu á pólsku máli (í samráði við kennara námskeiðsins). Í þessu námskeiði verður lögð áhersla á framburð, tileinkun orðaforða, skilning á töluðu máli og talmál. Nemendum sem vilja ná góðum tökum öllum færniþáttum er bent á að taka einnig námskeiðið POL104G: Málfræði, lestur og ritun I.

Námskeiðið er kennt í 6 vikna lotu á seinni hluta haustmisseris, tvisvar í viku 80 mínútur í senn, kl. 16:40 – 18:10, auk eins æfingatíma á viku í framburði.

Nánar um námskeiðið

Pólsk málfræði, lestur og ritun I (POL104G)

Í þessu námskeiði verður farið ítarlega í pólska málfræði á byrjendastigi. Nemendur fá þjálfun í að lesa og rita einfalda texta. Farið verður yfir reglur í beygingarfræði, orðhlutafræði, setningarfræði og stafsetningu. Nemendur vinna hagnýt verkefni í ritun og lesskilningi. Nemendum sem vilja ná góðum tökum á öllum færniþáttum er bent á að taka einnig námskeiðin Pólska: Málnotkun I og Pólska: Málnotkun II.
Námskeiðið er kennt á ensku og pólsku. Engrar forkunnáttu er krafist.

Nánar um námskeiðið

Pólsk menning og samfélag (POL105G)

Í þessu námskeiði fá nemendur yfirlit yfir sögu Póllands allt fram að seinni heimsstyrjöld. Farið verður sérstaklega í þá sögulegu atburði sem hafa sett mark sitt á pólska menningu og nemendur kynnast helstu bókmennta- og listaverkum og þeim listamönnum sem mótað hafa pólska þjóðarsál í gegnum aldirnar. Engrar forkunnáttu er krafist og námskeiðið er kennt á ensku.

Nánar um námskeiðið

Pólska: Málnotkun III (POL203G)

Þetta námskeið er fyrir alla sem hafa áhuga á pólsku og hafa lokið Pólska: Málnotkun I og Pólska: Málnotkun II eða hafa sambærilega þekkingu á pólsku máli (í samráði við kennara námskeiðsins). Í þessu námskeiði verður lögð áhersla á framburð, tileinkun orðaforða, skilning á töluðu máli og talmál. Nemendum sem vilja ná góðum tökum á öllum færniþáttum er bent á að taka einnig námskeiðið Málfræði, lestur og ritun II.

Námskeiðið er kennt í 6 vikna lotu á fyrri hluta vormisseris, tvisvar í viku 80 mínútur í senn, kl. 16:40 – 18:10, auk eins æfingatíma á viku í framburði.

Nánar um námskeiðið

Pólska: Málnotkun IV (POL204G)

Þetta námskeið er hugsað fyrir alla sem hafa áhuga á pólsku og hafa lokið námskeiðunum Málnotkun I, II og III eða hafa sambærilega þekkingu á pólsku máli (í samráði við kennara námskeiðsins). Í þessu námskeiði verður lögð áhersla á framburð, tileinkun orðaforða, skilning á töluðu máli og talmál. Nemendum sem vilja ná góðum tökum á öllum færniþáttum er bent á að taka einnig námskeiðið Málfræði, lestur og ritun II. Námskeiðið er kennt á ensku og pólsku.

Námskeiðið er kennt í 6 vikna lotu á seinni hluta vormisseris, tvisvar í viku 80 mínútur í senn, kl. 16:40 – 18:10, auk eins æfingatíma á viku í framburði.

Nánar um námskeiðið

Pólsk málfræði, lestur og ritun II (POL205G)

Þetta námskeið er framhald af námskeiðinu Málfræði, lestur og ritun I og í því er haldið áfram að vinna með pólska málfræði. Nemendur fá frekari þjálfun í að lesa og rita texta. Farið verður yfir reglur í beygingarfræði, orðhlutafræði, setningarfræði og stafsetningu. Nemendur vinna hagnýt verkefni bæði í ritun og lesskilningi. Nemendum sem vilja ná góðum tökum á öllum færniþáttum er bent á að taka einnig námskeiðin Pólska: Málnotkun III og Pólska: Málnotkun IV.
Forkröfur: POL104G: Pólsk málfræði, lestur og ritun I.
Námskeiðið er kennt á ensku og pólsku.

Nánar um námskeiðið

Öll fög eru skyldufög nemaVValfagBBundið val er háð skilyrðum ENámskeiðið er ekki kennt á misserinuNámsleiðin í Kennsluskrá

Mögulegt framhaldsnám með þessa menntun

Bóka viðtal í náms-og starfsráðgjöf

Hvað segja nemendur?

Alexía Ósk R. Sigurðardóttir

Pólsk fræði sem aukagrein samhliða Uppeldis- og menntunarfræði sem aðalgrein

Þetta nám er virkilega skemmtilegt og byggir upp góðan grunn. Það er mjög gaman að læra þetta tungumál og er passað vel upp á að það sé skilningur á efninu frá kennurum.

—