Wuwei í Ferlinu og dygðinni og áskoranir þvermenningarlegrar heimspeki

Viðburðinn átti að halda 17. febrúar en var frestað til 18. febrúar kl. 16.

Wuwei í Ferlinu og dygðinni (Daodejing – Bókinni um veginn) og áskoranir þvermenningarlegrar heimspeki

Hugtakið „wuwei“ er oft þýtt sem aðgerðaleysi og álitið meðal lykilhugtaka til skilnings á hinu sígilda heimspekiriti Kínverja Daodejing. Á undanförnum öldum hafa þýðendur reynt að finna hugtakinu samræmda merkingu, ekki aðeins í Daodejing heldur í fornheimspeki Kínverja sem heild og hefur sú viðleitni dregið fram ýmis vandamál sem tengjast þvermenningarlegum skilningi.

Douglas L. Berger er prófessor í hnattrænni heimspeki og samanburðarheimspeki við Leiden Háskóla í Hollandi, þar sem hann kennir námskeið í kínverskri og indverskri heimspeki og þvermenningarlegri túlkunarfræði. Hann er aðalritstjóri Dimensions of Asian Spirituality bókaraðarinnar og fyrrum formaður Society for Asian and Comparative Philosphy.