Vorbrautskráning Háskóla Íslands

Brautskráning kandídata í grunn- og framhaldsnámi frá Háskóla Íslands fer fram í Laugardalshöll laugardaginn 24. júní.

Brautskráningunni verður skipt í tvær athafnir og er hún opin bæði brautskráningarkandídötum og gestum þeirra. Hver kandídat má taka með sér tvo gesti.

Fyrri athöfnin hefst kl. 10 en þá taka nemendur í grunn- og framhaldsnámi við Félagsvísindasvið, Heilbrigðisvísindasvið og Hugvísindasvið við prófskírteinum. Áætlað er að athöfninni ljúki kl. 12.15.

Bein útsending frá fyrri athöfn

Síðari athöfnin hefst kl. 13.30 en þá taka nemendur í grunn- og framhaldsnámi við Menntavísindasvið og Verkfræði- og náttúruvísindasvið við skírteinum sínum. Áætlað er að athöfninni ljúki kl. 15.10.

Bein útsending frá seinni athöfn

Kandídatar eru beðnir um að mæta eigi síðar en 30 mínútum fyrir athöfn.

Athugið að með því að taka þátt í brautskráningarathöfn skuldbinda kandídatar sig til að yfirgefa ekki salinn fyrr en að athöfn lokinni.

Brautskráningarkandídatar fá sent bréf með nánari upplýsingum um fyrirkomulag athafnanna.

Bréf til kandídata sem brautskrást fyrir hádegi - Félagsvísindasvið, Heilbrigðisvísindasvið og Hugvísindasvið

Bréf til kandídata sem brautskrást eftir hádegi -  Menntavísindasvið og Verkfræði- og náttúruvísindasvið

Starfsfólk Háskólans verður enn fremur á staðnum á brautskráningunni og leiðbeinir kandídötum um sætaskipan.