Skip to main content

Háskóladagurinn 2023

Háskóladagurinn 2023 - á vefsíðu Háskóla Íslands
Hvenær 
4. mars 2023 12:00 til 15:00
Hvar 

Háskólatorg, Aðalbygging, Askja og Gróska

Nánar 
Öll velkomin

Háskóli Íslands býður landsmönnum öllum í heimsókn á Háskóladaginn laugardaginn 4. mars milli klukkan 12 og 15.

Allir geta kynnt sér fjölbreytt námsframboð Háskóla Íslands en yfir 400 námsleiðir í grunn- og framhaldsnámi eru í boði við skólann. Komið og kynnið ykkur spennandi nám sem opnar leiðina út í atvinnulífið. Einnig fer fram kynning á margþættri og öflugri starfsemi og þjónustu Háskólans. Gestir geta skoðað rannsóknastofur, tæki, búnað og húsakynni.

Á staðnum verða vísindamenn, kennarar og nemendur úr öllum deildum Háskólans sem svara spurningum um allt milli himins og jarðar – eða því sem næst.

 Ekki missa af því þegar Háskólinn opnar dyr sínar upp á gátt.

Allar námsleiðir kynntar á háskólasvæðinu Hér má sjá hvar allar námsleiðir eru kynntar á Háskóladaginn

Námskynningar á vegum einstakra fræðasviða Háskóla Íslands verða á eftirtöldum stöðum:

Þá eru Háskólinn á Akureyri, Háskólinn á Hólum og Landbúnaðarháskóli Íslands á Hvanneyri með námskynningu í Grósku. Endurmenntun Háskóla Íslands, Háskólinn á Bifröst og Listaháskóli Íslands verða þar einnig ásamt Keili sem kynnir sína landsþekktu háskólabrú. 

Á 2. hæð á Háskólatorgi eru einnig fulltrúar frá Nemendaráðgjöf, Alþjóðaskrifstofu og Nemendaskrá. Á staðnum verða fulltrúar frá jafnréttisnefnd Háskóla Íslands og fulltrúar Félagsstofnunar stúdenta veita upplýsingar um Stúdentagarða, Leikskóla stúdenta og aðra þjónustu fyrir stúdenta.

Háskólinn í Reykjavík er með námskynningu í eigin húsakynnum við Öskjuhlíð og auk þess að vera á Háskólatorgi kynnir Listaháskóli Íslands allar sínar námsleiðir í eigin húsakynnum á Laugarnesvegi.

Boðið er upp á ókeypis strætóferðir á milli skóla.

Frekari upplýsingar um Háskóladaginn eru á vef Háskóladagsins

Á Háskóladaginn býður Háskóli Íslands landsmönnum öllum í heimsókn. Komdu til okkar laugardaginn 4. mars milli klukkan 12 og 15.

Háskóladagurinn 2023