Doktorsvörn í vistfræðilíkönum - Paul N. Frater

Vörninni verður streymt: https://www.youtube.com/user/HIvarp/live

Doktorsefni: Paul N. Frater 

Heiti ritgerðar: Vandamál og mikilvægi aldurs- og lengdargagna í líkanagerð innan fiskifræði.

Andmælendur: 
Dr. Sarah Gaichas, Fiskifræðingur hjá National Oceanic and Atmospheric Administration í Bandaríkjunum.

Dr. Cóilín Minto, sérfræðingur í megindlegri vistfræði við Galway-Mayo Institute of Technology á Írlandi. 

Leiðbeinandi: Dr. Gunnar Stefánsson, prófessor við Raunvísindadeild Háskóla Íslands.

Einnig í doktorsnefnd: 
Dr. Bjarki Elvarsson, sérfræðingur hjá, Hafrannsóknastofnun

Dr. Rick Methot, vísindamaður fiskistofna við National Oceanic and Atmospheric Administration í Bandaríkjunum. 

Doktorsvörn stýrir: Dr.Oddur Ingólfsson, prófessor og deildarforseti Raunvísindadeildar Háskóla Íslands.

Ágrip: 
Gögn um aldur og lengd fiska, ásamt vísitölum úr stofnmælingum, eru undirstöðuupplýsingar í fiskifræði. Mælingum á aldri og lengd hefur verið safnað síðan rannsóknir hófust á fiskum og fiskistofnum á nítjándu öld. Þessi gögn um aldurs- og lengdarsamsetningu eru nauðsynleg til að meta vöxt, afföll, valmynstur og nýliðun fiskistofna. Þrátt fyrir mikilvægi þessara gagna fyrir líkön í fiskifræði eru enn til staðar ýmis vandamál sem fylgt hafa gögnum um samsetningu alveg frá upphafi.

Þessi ritgerð fjallar um helstu mál sem tengjast notkun gagna um samsetningu í fiskilíkönum, auk mikilvægis þeirra í samþættum stofnlíkönum. Í ritgerðinni eru fimm kaflar: Fyrstu tveir fjalla um vandamál sem tengjast aldurs- og lengdargögnum við mat á vexti, sá þriðji fjallar um breytileika vaxtar þorsks (Gadus morhua L.) í tíma og rúmi umhverfis Ísland. Síðustu tveir kaflarnir fjalla um mikilvægi aldurs- og lengdargagna í samþættum stofnlíkönum vegna áhrifa gagnanna á bæði punktmat og óvissumat. Á heildina litið hefur sú vinna sem hér er lýst þróað nokkurn skilning á mikilvægi samsetningargagna með því að:

• Sýna nýjar hliðar á valmynstursbjaga sem eykur bjaga sem var þó áður þekktur
• Samanburði aðferða til að leiðrétta þennan bjaga
• Lýsa á nýjan hátt breytileika vaxtar þorsks í tíma og rúmi
• Sýna á kerfisbundinn hátt mikilvægi aldurs- og lengdargagna bæði fyrir punktmat og óvissu metla í samþættum stofnmatslíkönum. 

Um doktorsefnið:
Paul hefur starfað sem rannsóknarmaður á Wisconsin Department of Natural Resources og fyrirlesari í vistfræði við University of Wisconsin-Stout (Wisconsin, Bandaríkunum). Paul lauk meistaraprófi frá Iowa State Háskóla í þróunarvistfræði með áherslu á vistfræði graslendis. Hann býr nú í Wisconsin, Bandaríkunum með eiginkonu og tveimur sonum.

Facebook Viðburður