Brautskráning Háskóla Íslands | Háskóli Íslands Skip to main content

Brautskráning Háskóla Íslands

Brautskráning Háskóla Íslands - á vefsíðu Háskóla Íslands
Hvenær 
19. júní 2021 10:00 til 15:30
Hvar 

Frjálsíþróttahöllin í Laugardal

Nánar 
Einungis kandídatar mega mæta
Beint streymi verður frá athöfnunum

Brautskráning kandídata í grunn- og framhaldsnámi frá Háskóla Íslands fer fram í Frjálsíþróttahöllinni í Laugardal (nýju Laugardalshöllinni) laugardaginn 19. júní.

Brautskráningunni verður skipt í tvær athafnir líkt og undanfarin ár en þó með öðru sniði vegna sóttvarnatakmarkana. Einungis kandídatar, sem taka á móti brautskráningarskírteinum sínum, verða við athafnirnar en þeim verður streymt í beinni útsendingu.

Á fyrri brautskráningarathöfninni, sem hefst kl. 10, fá kandídatar í grunn- og framhaldsnámi frá Félagsvísindasviði og Verkfræði- og náttúruvísindasviði útskriftarskírteini sín.

Seinni athöfnina, sem hefst kl. 13.30, sækja kandídatar í grunn- og framhaldsnámi frá Heilbrigðisvísindasviði, Hugvísindasviði og Menntavísindasviði.

Kandídatar fá sent bréf með nánari upplýsingum um fyrirkomulag athafnanna.

Bréf vegna fyrri athafnar - Félagsvísindasvið og Verkfræði- og náttúruvísindasvið

Bréf vegna seinni athafnar - Heilbrigðisvísindasvið, Hugvísindasvið og Menntavísindasvið

Starfsfólk Háskólans verður enn fremur á staðnum á brautskráningunni og leiðbeinir kandídötum um sætaskipan.

BEINT STREYMI: 

Frekari leiðbeiningar og svör vegna útsendingarinnar

Get ég horft á viðburðinn í snjallsímanum mínum eða spjaldtölvu?
- Þú getur horft á streymið í vafra í snjallsíma eða spjaldtölvu.

Get ég notað Chromecast eða Airplay?
- Já, það birtist lítill “Cast” hnappur neðst í spilaranum sem þú smellir á til að senda strauminn í sjónvarpið þitt. Skoðaðu leiðbeiningarnar sem fylgdu þínu tæki.

Verður viðburðurinn aðgengilegur eftir að honum lýkur?
- Hægt verður að horfa á viðburðinn aftur að honum loknum á sömu vefslóð eða á YouTube rás Háskóla Íslands.

Get ég horft á viðburðinn í gegnum Apple TV?
- Þú getur notað tækni á borð við AirPlay til að tengja t.d. síma eða tölvu við Apple TV.

Streymið mitt höktir, hvað er til ráða?
- Prófaðu að nota annað tæki, t.d. snjallsíma.
- Notaðu Chrome-vafrann eða Safari.
- Skiptu yfir í 4G, það virkar oft betur en WiFi, þó að nettenging sé hröð.

Brautskráning kandídata í grunn- og framhaldsnámi frá Háskóla Íslands fer fram í Frjálsíþróttahöllinni í Laugardal (nýju Laugardalshöllinni) laugardaginn 19. júní.

Brautskráning Háskóla Íslands