Pólsk fræði - Grunndiplóma
![](https://www.hi.is/sites/default/files/styles/n__n_mslei__-_skrautmynd/public/ghg/kri_polska_230214_002.jpg?itok=86ZMG_gS)
![](https://www.hi.is/sites/default/files/styles/n__n_mslei__-_skrautmynd/public/ghg/kri_polska_230214_005.jpg?itok=ab7SUvi5)
Pólsk fræði
Grunndiplóma – 60 einingar
Nám í pólskum fræðum er í senn spennandi og áhugavert nám sem veitir innsýn í pólska tungu, menningu og samfélag.
Þetta nám er diplómanám sem er hægt að ljúka á tveimur árum.
Skipulag náms
- Haust
- Málnotkun I
- Málnotkun II
- Málfræði, lestur og ritun I
- Pólsk menning og samfélag I
- Vor
- Málnotkun III
- Málnotkun IV
- Málfræði, lestur og ritun II
- Pólland í dag
Málnotkun I (POL102G)
Þetta námskeið er fyrir alla þá er hafa áhuga á pólsku. Engrar forkunnáttu er krafist þar sem námskeiðið er fyrir algera byrjendur. Unnið verður með alla færniþætti (talmál, lestur, hlustun og ritun) en sérstök áhersla lögð á talmál og framburð.
Námskeiðið er kennt í 6 vikna lotu á fyrri hluta haustmisseris, tvisvar í viku, 80 mínútur í senn kl. 16:40 – 18:10 auk eins æfingatíma í viku í framburði. Námskeiðið er kennt á ensku og pólsku.
Málnotkun II (POL103G)
Þetta námskeið er fyrir alla þá er hafa áhuga á pólsku og hafa lokið POL101G Pólska fyrir byrjendur I eða hafa grunnþekkingu á pólsku máli (í samráði við kennara). Unnið verður með alla færniþætti (talmál, lestur, hlustun og ritun) en þó verður sérstök áhersla á talmál og framburð. Forkröfur: POL102G Málnotkun I eða sambærilegt.
Námskeiðið er kennt á ensku og pólsku.
Námskeiðið er kennt í 6 vikna lotu á seinni hluta haustmisseris, tvisvar í viku, 80 mínútur í senn kl. 16:40 – 18:10 auk eins æfingatíma í viku framburði.
Málfræði, lestur og ritun I (POL104G)
Í þessu námskeiði verður farið ítarlega í pólska málfræði á byrjendastigi og nemendur fá þjálfun í að lesa og rita einfalda texta. Farið verður yfir reglur í beygingarfræði, orðhlutafræði, setningarfræði og stafsetningu. Nemendur vinna hagnýt verkefni í ritun, lesskilningi og orðaforða. Námskeiðið er kennt á ensku og pólsku. Engrar forkunnáttu er krafist.
Pólsk menning og samfélag I (POL105G)
Í þessu námskeiði fá nemendur yfirlit yfir sögu Póllands allt fram að seinni heimsstyrjöld. Farið verður sérstaklega í þá sögulegu atburði sem hafa sett mark sitt á pólska menningu og nemendur kynnast helstu bókmennta- og listaverkum og þeim listamönnum sem mótað hafa pólska þjóðarsál í gegnum aldirnar. Engrar forkunnáttu er krafist og námskeiðið er kennt á ensku.
Málnotkun III (POL203G)
Þetta námskeið er fyrir alla þá er hafa áhuga á pólsku og hafa lokið Málnotkun I og Málnotkun II eða hafa sambærilega þekkingu á pólsku máli (í samráði við kennara). Unnið verður með alla færniþætti (talmál, lestur, hlustun og ritun) en þó verður sérstök áhersla á talmál og framburð.
Námskeiðið er kennt í 6 vikna lotu á fyrri hluta vormisseris, tvisvar í viku, 80 mínútur í senn kl. 16:40 – 18:10 auk eins æfingatíma í viku í framburði. Forkröfur: POL103G Málnotkun II. Námskeiðið er kennt á ensku og pólsku.
Málnotkun IV (POL204G)
Þetta námskeið er fyrir alla þá er hafa áhuga á pólsku og hafa lokið Málnotkun I, II og III eða hafa sambærilega þekkingu á pólsku máli (í samráði við kennara). Unnið verður með alla færniþætti en sérstök áhersla á talmál og framburð.
Námskeiðið er kennt í 6 vikna lotu á seinni hluta vormisseris, tvisvar í viku, 80 mínútur í senn kl. 16:40 – 18:10 auk eins æfingatíma í viku í framburði. Forkröfur: POL203G Málnotkun III. Námskeiðið er kennt á ensku og pólsku.
.
Málfræði, lestur og ritun II (POL205G)
Í þessu námskeiði sem er framhald af Málfræði, lestur og ritun I, verður áfram fjallað um pólska málfræði og nemendur fá frekari þjálfun í að lesa og rita texta. Farið verður yfir reglur í beygingarfræði, orðhlutafræði, setningarfræði og stafsetningu. Nemendur vinna hagnýt verkefni í orðaforða, ritun og lesskilningi. Forkröfur: POL104G Málfræði, lestur og ritun I. Námskeiðið er kennt á ensku og pólsku.
Pólland í dag (POL206G)
Í þessu námskeiði verður fjallað um sögu Póllands og menningu frá síðari heimstyrjöld og til dagsins í dag. Meðal umfjöllunarefna eru saga, stjórnmál og menning (með áherslu á bókmenntir, kvikmyndir og tónlist). Námskeiðið er kennt á ensku.
Hafðu samband
Skrifstofa Hugvísindasviðs
Aðalbygging, 3.hæð - Sæmundargötu 2
Sími: 525 4400
Netfang: hug@hi.is
Skrifstofan er opin virka daga frá kl 10:00–12:00 og 13:00–15:00.
Nemendur á Hugvísindasviði geta einnig nýtt sér Þjónustuborð á Háskólatorgi. Hægt er að nálgast upplýsingar í netspjalli hér á síðunni.
![Háskóli Íslands - aðalbygging](https://www.hi.is/sites/default/files/styles/n__n_mslei__-_hafa_samband/public/ame18/_kri0915_4_0_0.jpg?itok=SkOeZDNr)
Hjálplegt efni
Ertu með fleiri spurningar? Hér finnurðu svör við ýmsum þeirra og upplýsingar um ýmislegt annað sem gott er að hafa í huga þegar þú velur nám.