• Stefnir þú á að starfa við fornleifauppgröft?
• Vilt þú verða fær um að skipuleggja og framkvæma fornleifarannsókn?
• Hefur þú áhuga á úrvinnslu og miðlun fornleifarannsókna?
• Langar þig í framhaldsnám sem fer að hluta til fram á vettvangi?

Fornleifafræði fæst við að lesa úr, túlka og draga ályktanir um horfin samfélög útfrá brotakenndum heimildum og reynir því oft á rökhyggju og öguð vinnubrögð.

Í hagnýtri fornleifafræði fá nemendur markvissa kennilega og faglega þjálfun í framkvæmd og stjórnun leyfisskyldra fornleifarannsókna með áherslu á aðferðir en líka siðfræði og þjálfun í vísindalegum viðhorfum.

Nánari upplýsingar um námsleiðir í fornleifafræð.

Uppbygging náms 

Námið er 90 einingar og er sett upp sem fullt nám til eins og hálfs árs.

Námið skiptist í:

• Skyldunámskeið, 50 einingar
• Valnámskeið. 10 einingar
• Lokaverkefni, 30 einingar

Fyrirkomulag kennslu 

Námið er að mestu kennt á íslensku, en sum námskeið/námskeiðshlutar eru kennd á ensku. Öll próf eru lögð fyrir á íslensku.

Verkleg kennsla í fer fram á vettvangi fornleifarannsókna og í kennslustundum. Bókleg kennsla fer fram í fyrirlestrum, samræðuformi og málstofum. Tímasókn er mikilvæg en frumskilyrði er að hafa lesið það efni sem fjalla á um hverju sinni.

Meginmarkmið 

Miðað að því að nemendur:

• verði fær um að skipuleggja, framkvæma og ljúka lítilli til meðalstórri fornleifarannsókn á Íslandi.
• öðlist traustan skilning og þekkingu á fornleifafræðilegum aðferðum og þeirri tækni sem nýta má við fornleifaskráningu, þar á meðal fjarkönnun, uppgröft og úrvinnslu.
• geti sýnt fram á víðtækan skilning á hlutverki fornleifafræði í minjavernd, sér í lagi eins og hún er framkvæmd á Íslandi.

Annað

Námið veitir ekki aðgang að doktorsnámi.

Inntökuskilyrði námsleiðar

BA-próf eða sambærilegt próf í fornleifafræði með fyrstu einkunn (7,25) að lágmarki. 20 vikna starfsreynsla undir leiðsögn við fornleifarannsóknir á vettvangi (fornleifauppgröft að a.m.k. ¾). Þar í teljast þær 10 vikur sem eru hluti af skyldunámi til BA-prófs í fornleifafræði við Háskóla Íslands.

Námið er samtals 90 einingar og samanstendur af sameiginlegum skyldunámskeiðum í fornleifafræði á framhaldsstigi (10 ein.), skyldunámskeiðum (40 ein.), valnámskeiðum (10 ein.) og lokaverkefni (30 ein.). Námið nær yfir þrjú misseri og hefst alla jafna á sumarmisseri með þátttöku í vettvangsnámskeiði námsbrautar í fornleifafræði.

Eftirfarandi gögn þurfa að fylgja umsókn um þetta nám:

• Greinargerð

• Staðfest afrit af námsferli og prófskírteini frá háskóla

• Ef umsækjandi hefur erlent ríkisfang og erlent próf þarf að skila staðfestingu á enskukunnáttu 

Frekari upplýsingar um fylgigögn má finna hér

Námið er á

• Hugvísindasviði
• Deild sagnfræði, heimspeki og fornleifafræði