Smiðja: InnRitun (RIT701F)

Þetta er inngangsnámskeið í ritlist sem ætlast er til að allir nýnemar sitji á fyrsta misseri námsins. Rætt verður um möguleika skáldskaparins almennt og sértækt, ritunarferlið og úrvinnslu. Fjallað verður um byggingu frásagna, málfar, prófarkalestur, umbrot, höfundarrétt og tjáningarfrelsi. Þá fá nemendur grunnþjálfun í ritstjórn og hópvinnu. Höfundar koma í heimsókn sem og fulltrúar frá hagsmuna- og þjónustustofnunum rithöfunda. Þátttakendur skila frumsömdum textum vikulega. Ætlast er til þess að þátttakendur mæti í alla tíma og taki virkan þátt. Námskeiðið er skyldunámskeið.

Skógartúrar og skuggabækur (RIT724F)

Dagana 28. september - 3. október 2025. 

Ritlistarnemar Háskóla Íslands leggja upp í óvissuferð austur á Fljótsdalshérað, fremja seið í skógartúrum og ganga í klaustur!

Heimsóttar verða menningarstofnanir á svæðinu, s.s. Skriðuklaustur, Hallormsstaðaskóli, Prentverkstæðið á Seyðisfirði, Óbyggðasetrið, Minjasafn Austurlands, Trjásafnið o.s.frv. Gestakennari: Skúli Björn Gunnarsson, rithöfundur og forstöðumaður Skriðuklausturs.

Nemendur sjá sjálfir um ferðir, gistingu og fæði en reynt verður að halda öllum kostnaði í algjöru lágmarki. Hafursá býður hópnum sértilboð á gistingu inni í Hallormsstaðaskógi og eins býðst leigutilboð á 14 manna rútu. Áætlaður kostnaður á mann er 45 þúsund + matur.

Fyllist námskeiðið verða þeir sem búnir eru með 60 ein í smiðjum eða meira að mæta afgangi. Mögulegt verður að skrá sig á biðlista með því að senda póst á greinarformann (huldar@hi.is).

Lýsing:

Rannsakaðir verða frásagnarmátar sem kenndir eru við skógartúra (t.d. sjálfssögur, náttúru-dagbækur, ferðabækur, skuggabækur, særingar, himnabréf og lækningarit). Áhersla verður lögð á tilurð skáldverka og leitina að tóni, stíl og tengingu við eigið tilfinningalíf og annarra. Við skrifum ferðalýsingar, dag- og draumabækur og komum saman okkar Skuggabók, bókverki sem verður uppistaða frekari sjálfsskrifa. Í lok dvalar verður gefin skýrsla í hlaðvarps-samræðu á staðnum. Við heimkomu, hefjast síðan hin eiginlegu skrif þar sem unnið er úr efnivið ferðar og frásögnin send til leiðbeinanda til yfirlestrar og endurgjafar. En kúrsinn hefst við upphaf ferðar austur og verða nemendur nestaðir með nokkrum þrautum sem þarf að leysa á leiðinni.

Smiðja: SviðsSetningar (RIT826F)

Á námskeiðinu verður fjallað um sérstöðu sviðstextans innan ritlistarinnar, stefnur og strauma í leikritun bæði fyrr og nú. Í því sambandi verða rifjaðar upp helstu kenningar um byggingu leikverka (dramaturgia), allt frá formreglum Aristótelesar um dramatíska framvindu til upplausnar þeirra á tuttugustu öld.

Lögð verður megináhersla á margvíslega frásagnartækni leikritsins, persónusköpun, uppbyggingu og samtöl. Einkum er hugað að formbreytingum sem orðið hafa í leikhúsi og sviðslistum eftir 1960, með tilkomu póstdramatíska leikhússins, gjörningsins og samsköpunarleikhússins (devised theatre).

Námskeiðið er fyrst og fremst ritsmiðja, í aðalhlutverki er sköpun sviðstexta sem tekur mið af sviðslistum nútímans og ætlaður er til flutnings af sviðslistamönnum á leiksviði og/eða í óhefðbundnu leikrými. Allur texti nemenda verður leiklesinn og ræddur í tímum.

Ætlast er til að nemendur mæti í alla tíma og taki virkan þátt í öllu sköpunarferlinu.

Andlit og andlitslyftingar – vinnustofa Bjarna M. Bjarnasonar (RIT723F)

Skáldævisagan Andlit eftir Bjarna M. Bjarnason kom út árið 2003 og er ein þeirra bóka sem halda áfram að heilla lesendur. Hún hefur verið kölluð „algjör klassík“ og rataði árið 2024 á lista yfir 100 bestu íslensku bækur aldarinnar. Í tilefni af tuttugu ára afmæli bókarinnar er hún væntanleg í nýrri og aukinni útgáfu í haust.

Í vinnustofunni kafar Bjarni í Andlit með nemendum, segir frá tildrögum bókarinnar og ritun en ekki síður endurritun og því hvernig var að takast á við textann á nýjan leik 20 árum síðar. Jafnframt verður verkið notað sem útgangspunktur til að fjalla um skáldævisöguna vítt og breitt og takast á við spurningar tengdar forminu.

Hvernig verður órætt sjálf einstaklings að fullmótuðu skáldverki? Hvernig er sögumannsröddin sköpuð? Hvernig er stuðst við raunverulega upplifun af draumum og veruleika? Hvernig verður höfundur til?

Nemendur vinna sjálfstæð verkefni tengd skáldævisöguforminu.

Bjarni M. Bjarnason er einn af okkar fremstu rithöfundunum og sendi síðast frá sér sögulegu skáldsöguna Dúnstúlkuna í þokunni sem tilnefnd var til Íslensku bókmenntaverðlaunanna.

Eingöngu ætlað meistaranemum í ritlist. Sitja verður alla tímana til að fá einingar fyrir smiðjuna.

Kennt frá 22. október til 14. nóvember, miðvikudaga og föstudaga 13:20 - 15:40.

Smiðja: Bygging kvikmyndahandrita (RIT716F)

Á námskeiðinu verður fjallað um grundvallarhugmyndir og hugtök sem varða dramatíska uppbyggingu kvikmyndahandrita, persónusköpun og samtöl. Einnig er stuðst við svokallaða fasatækni (sequense) og kvikmyndir skoðaðar og greindar út frá þeirri aðferðarfræði. Notast verður við fræðilegt ítarefni til stuðnings eftir því sem við á. Aðaláhersla er þó lögð á verk nemenda enda námskeiðið ritsmiðja þar sem byrjað er með hugmynd sem er svo þróuð og útfærð í lengri sögu og stærri strúktúr. Leitast verður við að skapa gagnrýnar og uppbyggilegar samræður um þau verk sem liggja til grundvallar hverju sinni. Að loknu námskeiði standa nemendur uppi með um 20 blaðsíðna sögulýsingu (treatment) fyrir kvikmynd í fullri lengd. Mikilvægt er að nemendur mæti vel undirbúnir í tíma, taki virkan þátt í umræðum og veiti gagnlega endurgjöf á verkefni annarra. Námskeiðið er eingöngu ætlað meistaranemum í ritlist.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Ljóðtextar (RIT806F)

Ljóðaleiðangur þar sem farið verður yfir sögu tveggja mjög ólíkra ljóðahefða; annars vegar dulræna og heimspekilega ljóðagerð og hins vegar tæknilega og leikræna. Gerðar verða metnaðarfullar æfingar á báðum sviðum og leitað eftir ljóðrænni rödd hvers og eins í gegnum samræðu, upplestur, ítrekaðar æfingar og endurgjöf. Smiðjan er allt í senn fræðileg, ófræðileg, tæknileg, tilraunakennd, formgerð, sálfræðileg, sjálfsævisöguleg, dulfræðileg, ódulfræðileg, pólitísk, ópólitísk, létt og leikandi og alvöru áskorun. Mikil áhersla er á endurskrif og úrvinnslu og sýnileika tilrauna. Krafist er góðrar mætingar og þátttöku í æfingum og samræðu.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Sannsögur (RIT201F)

Námskeiðið er smiðja þar sem þátttakendur skrifa um sannsöguleg efni á skapandi hátt – í ritsmíðum sem byggja á heimildum, raunverulegum atburðum eða persónulegum upplifunum af einhverju tagi. Nemendur æfa sig í að skapa frásagnarrödd og nýta bókmenntalegar aðferðir til að koma efni sínu á framfæri. Rædd verða álitamál sem tengjast því að miðla sannsögulegu efni og nýta fyrstu persónu fornafnið í skapandi ritgerðarskrifum. Ritsmíðar nemenda verða lagðar fram og ræddar með það fyrir augum að bæta þær. Meðfram verður lesið efni sem tilheyrir bókmenntagreininni. Mælst er til þess að þátttakendur mæti í alla tíma og taki virkan þátt. Eingöngu ætlað meistaranemum í ritlist.

Fjöldi nemenda takmarkast við 20. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Skáldskapur (RIT832F)

Á námskeiðinu verða möguleikar skáldsögunnar og skáldskaparins kannaðir með því móti að hvert og eitt okkar fitjar upp á sögu og hefst handa við ritun hennar. Það er kannski óvanalegt að fylgjast að svo mörg saman á slíku ferðalagi en hugmyndin er sú að við lærum hvert af öðru og hjálpumst að með því að hugsa upphátt um eigin verk og annarra. „Kennari“ námskeiðsins er þá meira eins og veislustjóri, enda ekki beinlínis hægt að kenna skáldskap, frekar verða vitni að honum og vera þá eins lags meðhjálpari. Gert er ráð fyrir að hvert verk vaxi smávegis milli funda. Önnur tilhögun er samkomulagsatriði. Púlsinn verður tekinn í fyrsta tíma þar sem þátttakendur stilla saman strengi.

Námskeiðið er eingöngu ætlað meistaranemum í ritlist. Mælst er til þess að nemendur mæti í alla tíma og taki virkan þátt.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Meistaraverkefni í ritlist (RIT441L)

MA-verkefni er frumsamin ritsmíð af listrænum toga, unnin á námstímanum. Hún getur t.d. verið safn sagna eða annarra lausamálstexta, ljóðasafn, ritgerðasafn, leikrit, kvikmyndahandrit, þýðing eða skáldsaga. Verkinu skal fylgja greinargerð um vinnslu þess. Meistaraverkefninu má skipta upp, t.d. þannig að 10 einingar séu teknar á haustmisseri og 20 á vormisseri. Einnig má skrifa í fleiri en einu bókmenntaformi en þó er ekki æskilegt að hafa fleiri en tvö form undir í verkefninu.

Skógartúrar og skuggabækur (RIT724F)

Dagana 28. september - 3. október 2025. 

Ritlistarnemar Háskóla Íslands leggja upp í óvissuferð austur á Fljótsdalshérað, fremja seið í skógartúrum og ganga í klaustur!

Heimsóttar verða menningarstofnanir á svæðinu, s.s. Skriðuklaustur, Hallormsstaðaskóli, Prentverkstæðið á Seyðisfirði, Óbyggðasetrið, Minjasafn Austurlands, Trjásafnið o.s.frv. Gestakennari: Skúli Björn Gunnarsson, rithöfundur og forstöðumaður Skriðuklausturs.

Nemendur sjá sjálfir um ferðir, gistingu og fæði en reynt verður að halda öllum kostnaði í algjöru lágmarki. Hafursá býður hópnum sértilboð á gistingu inni í Hallormsstaðaskógi og eins býðst leigutilboð á 14 manna rútu. Áætlaður kostnaður á mann er 45 þúsund + matur.

Fyllist námskeiðið verða þeir sem búnir eru með 60 ein í smiðjum eða meira að mæta afgangi. Mögulegt verður að skrá sig á biðlista með því að senda póst á greinarformann (huldar@hi.is).

Lýsing:

Rannsakaðir verða frásagnarmátar sem kenndir eru við skógartúra (t.d. sjálfssögur, náttúru-dagbækur, ferðabækur, skuggabækur, særingar, himnabréf og lækningarit). Áhersla verður lögð á tilurð skáldverka og leitina að tóni, stíl og tengingu við eigið tilfinningalíf og annarra. Við skrifum ferðalýsingar, dag- og draumabækur og komum saman okkar Skuggabók, bókverki sem verður uppistaða frekari sjálfsskrifa. Í lok dvalar verður gefin skýrsla í hlaðvarps-samræðu á staðnum. Við heimkomu, hefjast síðan hin eiginlegu skrif þar sem unnið er úr efnivið ferðar og frásögnin send til leiðbeinanda til yfirlestrar og endurgjafar. En kúrsinn hefst við upphaf ferðar austur og verða nemendur nestaðir með nokkrum þrautum sem þarf að leysa á leiðinni.

Smiðja: SviðsSetningar (RIT826F)

Á námskeiðinu verður fjallað um sérstöðu sviðstextans innan ritlistarinnar, stefnur og strauma í leikritun bæði fyrr og nú. Í því sambandi verða rifjaðar upp helstu kenningar um byggingu leikverka (dramaturgia), allt frá formreglum Aristótelesar um dramatíska framvindu til upplausnar þeirra á tuttugustu öld.

Lögð verður megináhersla á margvíslega frásagnartækni leikritsins, persónusköpun, uppbyggingu og samtöl. Einkum er hugað að formbreytingum sem orðið hafa í leikhúsi og sviðslistum eftir 1960, með tilkomu póstdramatíska leikhússins, gjörningsins og samsköpunarleikhússins (devised theatre).

Námskeiðið er fyrst og fremst ritsmiðja, í aðalhlutverki er sköpun sviðstexta sem tekur mið af sviðslistum nútímans og ætlaður er til flutnings af sviðslistamönnum á leiksviði og/eða í óhefðbundnu leikrými. Allur texti nemenda verður leiklesinn og ræddur í tímum.

Ætlast er til að nemendur mæti í alla tíma og taki virkan þátt í öllu sköpunarferlinu.

Andlit og andlitslyftingar – vinnustofa Bjarna M. Bjarnasonar (RIT723F)

Skáldævisagan Andlit eftir Bjarna M. Bjarnason kom út árið 2003 og er ein þeirra bóka sem halda áfram að heilla lesendur. Hún hefur verið kölluð „algjör klassík“ og rataði árið 2024 á lista yfir 100 bestu íslensku bækur aldarinnar. Í tilefni af tuttugu ára afmæli bókarinnar er hún væntanleg í nýrri og aukinni útgáfu í haust.

Í vinnustofunni kafar Bjarni í Andlit með nemendum, segir frá tildrögum bókarinnar og ritun en ekki síður endurritun og því hvernig var að takast á við textann á nýjan leik 20 árum síðar. Jafnframt verður verkið notað sem útgangspunktur til að fjalla um skáldævisöguna vítt og breitt og takast á við spurningar tengdar forminu.

Hvernig verður órætt sjálf einstaklings að fullmótuðu skáldverki? Hvernig er sögumannsröddin sköpuð? Hvernig er stuðst við raunverulega upplifun af draumum og veruleika? Hvernig verður höfundur til?

Nemendur vinna sjálfstæð verkefni tengd skáldævisöguforminu.

Bjarni M. Bjarnason er einn af okkar fremstu rithöfundunum og sendi síðast frá sér sögulegu skáldsöguna Dúnstúlkuna í þokunni sem tilnefnd var til Íslensku bókmenntaverðlaunanna.

Eingöngu ætlað meistaranemum í ritlist. Sitja verður alla tímana til að fá einingar fyrir smiðjuna.

Kennt frá 22. október til 14. nóvember, miðvikudaga og föstudaga 13:20 - 15:40.

Smiðja: Bygging kvikmyndahandrita (RIT716F)

Á námskeiðinu verður fjallað um grundvallarhugmyndir og hugtök sem varða dramatíska uppbyggingu kvikmyndahandrita, persónusköpun og samtöl. Einnig er stuðst við svokallaða fasatækni (sequense) og kvikmyndir skoðaðar og greindar út frá þeirri aðferðarfræði. Notast verður við fræðilegt ítarefni til stuðnings eftir því sem við á. Aðaláhersla er þó lögð á verk nemenda enda námskeiðið ritsmiðja þar sem byrjað er með hugmynd sem er svo þróuð og útfærð í lengri sögu og stærri strúktúr. Leitast verður við að skapa gagnrýnar og uppbyggilegar samræður um þau verk sem liggja til grundvallar hverju sinni. Að loknu námskeiði standa nemendur uppi með um 20 blaðsíðna sögulýsingu (treatment) fyrir kvikmynd í fullri lengd. Mikilvægt er að nemendur mæti vel undirbúnir í tíma, taki virkan þátt í umræðum og veiti gagnlega endurgjöf á verkefni annarra. Námskeiðið er eingöngu ætlað meistaranemum í ritlist.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Meistaraverkefni í ritlist (RIT441L)

MA-verkefni er frumsamin ritsmíð af listrænum toga, unnin á námstímanum. Hún getur t.d. verið safn sagna eða annarra lausamálstexta, ljóðasafn, ritgerðasafn, leikrit, kvikmyndahandrit, þýðing eða skáldsaga. Verkinu skal fylgja greinargerð um vinnslu þess. Meistaraverkefninu má skipta upp, t.d. þannig að 10 einingar séu teknar á haustmisseri og 20 á vormisseri. Einnig má skrifa í fleiri en einu bókmenntaformi en þó er ekki æskilegt að hafa fleiri en tvö form undir í verkefninu.

Smiðja: Ljóðtextar (RIT806F)

Ljóðaleiðangur þar sem farið verður yfir sögu tveggja mjög ólíkra ljóðahefða; annars vegar dulræna og heimspekilega ljóðagerð og hins vegar tæknilega og leikræna. Gerðar verða metnaðarfullar æfingar á báðum sviðum og leitað eftir ljóðrænni rödd hvers og eins í gegnum samræðu, upplestur, ítrekaðar æfingar og endurgjöf. Smiðjan er allt í senn fræðileg, ófræðileg, tæknileg, tilraunakennd, formgerð, sálfræðileg, sjálfsævisöguleg, dulfræðileg, ódulfræðileg, pólitísk, ópólitísk, létt og leikandi og alvöru áskorun. Mikil áhersla er á endurskrif og úrvinnslu og sýnileika tilrauna. Krafist er góðrar mætingar og þátttöku í æfingum og samræðu.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Sannsögur (RIT201F)

Námskeiðið er smiðja þar sem þátttakendur skrifa um sannsöguleg efni á skapandi hátt – í ritsmíðum sem byggja á heimildum, raunverulegum atburðum eða persónulegum upplifunum af einhverju tagi. Nemendur æfa sig í að skapa frásagnarrödd og nýta bókmenntalegar aðferðir til að koma efni sínu á framfæri. Rædd verða álitamál sem tengjast því að miðla sannsögulegu efni og nýta fyrstu persónu fornafnið í skapandi ritgerðarskrifum. Ritsmíðar nemenda verða lagðar fram og ræddar með það fyrir augum að bæta þær. Meðfram verður lesið efni sem tilheyrir bókmenntagreininni. Mælst er til þess að þátttakendur mæti í alla tíma og taki virkan þátt. Eingöngu ætlað meistaranemum í ritlist.

Fjöldi nemenda takmarkast við 20. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Smiðja: Birtingur (RIT805F)

Á þessu námskeiði munu nemar í hagnýtri ritstjórn og útgáfu vinna með ritlistarnemum að því að búa frumsamið efni til útgáfu. Farið verður í gegnum útgáfuferlið, jafnt fyrir prentuð rit sem rafbækur; ritstjórn, prófarkalestur, umbrot og annað sem tilheyrir. Miðað er við að afrakstur námskeiðsins verði rit sem er tilbúið til prentunar.

Námskeiðið er ætlað 2. árs nemum í ritlist.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Skáldskapur (RIT832F)

Á námskeiðinu verða möguleikar skáldsögunnar og skáldskaparins kannaðir með því móti að hvert og eitt okkar fitjar upp á sögu og hefst handa við ritun hennar. Það er kannski óvanalegt að fylgjast að svo mörg saman á slíku ferðalagi en hugmyndin er sú að við lærum hvert af öðru og hjálpumst að með því að hugsa upphátt um eigin verk og annarra. „Kennari“ námskeiðsins er þá meira eins og veislustjóri, enda ekki beinlínis hægt að kenna skáldskap, frekar verða vitni að honum og vera þá eins lags meðhjálpari. Gert er ráð fyrir að hvert verk vaxi smávegis milli funda. Önnur tilhögun er samkomulagsatriði. Púlsinn verður tekinn í fyrsta tíma þar sem þátttakendur stilla saman strengi.

Námskeiðið er eingöngu ætlað meistaranemum í ritlist. Mælst er til þess að nemendur mæti í alla tíma og taki virkan þátt.

Fjöldi nemenda takmarkast við 15. Nemendur sem ekki hafa þegar lokið 60 einingum í smiðjum hafa forgang við skráningu í námskeiðið. Við skráningu nemenda sem hafa lokið fleiri en 60 einingum í smiðjum er horft til fjölda eininga. Nemendur sem hafa lokið færri einingum hafa forgang.

Fréttamennska 1: Fréttamat, fréttaöflun og fréttaskrif (BLF110F)

Grundvallarnámskeið í blaðamennsku. Markmið þess er að nemendur öðlist skilning á störfum blaðamanna og færni í fréttaöflun og skrifum og framsetningu frétta fyrir  mismunandi miðla. Helstu hugtök og aðferðir við fréttaskrif eru kynnt; hvað er frétt, á hverju byggja fjölmiðlar fréttamat, hvernig er frétta aflað og hvernig þær eru uppbyggðar o.s.frv. Nemendur verða þjálfaðir í að skrifa markvissa fréttatexta og greinar á góðri íslensku og að nota orðbækur og önnur slík hjálpartæki. Jafnfram verður lögð áhersla á að kenna nemendum að nota samfélagsmiðla, bæði til þess að afla upplýsinga og miðla fréttum.

Námsmatið byggir alfarið á verkefnum sem unnin eru jafnt og þétt yfir önnina. Nemendur afla og skrifa fréttir sem birtar verða á fréttavef námsins og eftir atvikum í öðrum fjölmiðlum.  Helstu fjölmiðlar landsins verða heimsóttir og nemendum fara í stutta starfskynningu.

Miðlunarleiðir I, heimildamyndir, textagerð, myndanotkun (HMM122F)

Í námskeiðunum Miðlunarleiðir I og Miðlunarleiðir II eru kynnt grunnatriði aðferða við miðlun menningarefnis í hug- og félagsvísindum. Miðlunarleiðir I eru á haustönn en Miðlunarleiðir II eru á vorönn. 

Í Miðlunarleiðum I verður unnið með:

1. Texta og myndir í fyrri hluta annarinnar. Nemendur munu fá þjálfun við greinaskrif og orðræðugreiningu annars vegar og myndanotkun og myndgreiningu hins vegar.
2. Stuttmyndagerð í síðari hluta annarinnar. Þar vinna nemendur að gerð  stuttmynda. Í því felst grunnþjálfun í handritagerð, tökum og klippi og nemendur vinna í hópum að stuttmynd í samræmi við tiltekið þema. Hvor efnisþáttur um sig vegur 50% í námskeiðinu.

Engin próf eru í námskeiðinu. Þess í stað vinna nemendur verkefni, einstaklings- og hópverkefni. Þau eru eftirfarandi:

1. Greiningar á textum og myndum
2. Grein með mynd um tiltekið þema til opinberrar birtingar, um 800 orð.
3. Hópverkefni þar sem nemendur vinna að stuttmynd sem er sýnd við lok námskeiðsins. Áhersla er lögð á hópavinnu og hagnýt verkefni.

Námskeiðið er ekki kennt í fjarnámi.

Miðlun í hljóðvarpi og hlaðvarpi (HMM235F)

Námskeiðið er haldið í samstarfi við RÚV - Rás 1. Fjallað er um framsetningu efnis í útvarpi og hlaðvarpi. Könnuð eru ólík dæmi um dagskrárgerð. Hugað er að miðlunarmöguleikum hljóðefnis í fjölmiðlaumhverfi samtímans og gerð grein fyrir eðli ólíkra miðlunarleiða. Fjallað verður um hugmyndavinnu, viðtalstækni, upptökutækni, uppbyggingu og samsetningu hljóðvarps/hlaðvarpsefnis með áherslu á  sjálfbærni og sjálfstæð vinnubrögð. Nemendur vinna verkefni tengd útvarpsþáttagerð. 

Ritstjórn og fræðileg skrif (ÍSL101F)

Þjálfun í ýmsum þáttum er varða ritun fræðilegs efnis og ritstjórn. Ólíkar gerðir fræðilegra ritsmíða skoðaðar og metnar. Þjálfun í því að gera athugasemdir við skipulag og framsetningu á fræðilegum texta og í öðrum þáttum ritstjórnar. Áhersla lögð á ritun fræðilegra greina, en einnig hugað að samningu smærri verka (ráðstefnuútdrátta, ritdóma) og stærri (M.A.-ritgerða, doktorsritgerða, bóka). Fjallað um rannsóknaráætlanir, frágang handrita og ritstuld. Tekin dæmi af textum um ýmis efni, einkum málfræðileg,  bókmenntaleg og sagnfræðileg. Stuðst við bókina Skrifaðu bæði skýrt og rétt (Höskuldur Þráinsson 2015).

Námskeiðið er opið nemendum á mörgum námsleiðum í MA-námi á Hugvísindasviði skv. reglum viðkomandi greina. Nemendur á MA-stigi í íslenskum bókmenntum, íslenskri málfræði, íslenskum fræðum og íslenskukennslu geta fengið námskeiðið metið sem hluta af þeirri skyldu sem þeir þurfa að uppfylla í meistarastigsnámskeiðum í íslenskum bókmenntum eða íslenskri málfræði. Nemendur í MA-námi í íslenskukennslu geta þó ekki haft þetta námskeið sem eina málfræði- eða bókmenntanámskeiðið á MA-ferlinum.

Skapandi heimildamyndir (HMM220F)

Fjallað verður um helstu tegundir heimildamynda, aðferðir, þróun þeirra og tilgang.

Nemendur læra að skrifa handrit að stuttri heimildamynd og að hugsa allt ferli heimildamyndagerðar, frá grunnhugmynd að fullbúinni mynd, ástunda fagleg vinnubrögð og læra að skipuleggja tökur.

Nemendur ættu einnig að ná tökum á grunnatriðum í kvikmyndatöku og klippingu. Í því samhengi verður unnið eitt verkefni á síma til að ná tökum á tækniatriðum í klippi. Allir nemendur þurfa að skila að minnsta kosti einni fullbúinni stuttri heimildamynd, handriti og æfingaverkefni í klippi. Nemendur ræða nálgun og efnistök verkefna sinna við samnemendur og kennara.

Í námskeiðinu verða sýndar heimildamyndir, bæði brot úr þeim og í fullri lengd, þar sem rætt verður um hugmyndirnar bak við myndirnar, listrænar ákvarðanir, tilgang og siðfræði heimildamynda. Áhersla er lögð á sjálfstæð vinnubrögð.

Tökur fara fram í mars og þurfa að vera búnar fyrir 30. mars, en þá hitta nemendur kennara í klippiherberginu í Odda.

Ekki er ætlast til að nemendur kaupi neinar bækur fyrir þetta námskeið en nauðsynlegt er að þeir hafi sjálfir flakkara til að geyma efnið sitt á og SD kort í myndavélar fyrir eigin upptökur. Einnig er mælt með að nemendur séu með góð heyrnatól.

Námskeiðið er kennt í lotum. Nemendur vinna að heimildamynd alla önnina og í lok annar verður frumsýning í Bíó Paradís.

Námskeiðið er ekki kennt í fjarnámi.