Skip to main content

Doktorsnám í lögfræði

Lögfræði

180 einingar - Doktorspróf

. . .

Lagadeild Háskóla Íslands býður upp á skipulagt doktorsnám að loknu meistaranámi. Um er að ræða 180ECTS eininga nám sem lýkur með Ph.D. gráðu. Markmið námsins er að veita doktorsnemum vísindalega þjálfun og búa þá undir vísindastörf, meðal annars háskólakennslu eða sérfræðistörf við rannsóknarstofnanir.

Doktorsnám við Lagadeild er 180 einingar og þar af eru 30 einingar í námskeiðum og öðrum verkefnum. Samhliða ritgerðarvinnu skulu doktorsnemar stunda nám eftir því sem náms- og rannsóknaáætlun þeirra gerir ráð fyrir, m.a. í aðferðafræði, réttarheimildafræði og réttarheimspeki. 

Sérhver doktorsnemi skal frá upphafi náms hafa leiðbeinanda sem skal vera fastur kennari við Lagadeild. Hlutverk leiðbeinanda er að fylgjast með vinnu doktorsnema og veita leiðsögn við doktorsverkefni auk þess sem neminn ráðfærir sig við leiðbeinanda við gerð rannsóknaáætlunar, skipulag námsins, val námskeiða og öðru sem tengist náminu.

Inntökuskilyrði

Framhaldsnám

MA-próf í lögfræði frá Háskóla Íslands eða sambærilegt próf í lögfræði frá öðrum háskóla með 1. einkunn.

SEIGLA

Félag doktorsnema á Félagsvísindasviði.

Tilgangur félagsins er að vinna að hagsmunamálum doktorsnema á Félagsvísindasviði og miðlun upplýsinga til þeirra auk þess að tilnefna fulltrúa doktorsnema í ráð og nefndir sviðsins.

Netspjall