Ef starfsmaður vill nýta persónuafslátt sinn við Háskóla Íslands, skal senda tölvupóst á verkefnisstjóra viðkomandi fræðasviðs. Pósturinn þarf að innihalda þrennt:

1. "Yfirlit til laungreiðanda" er PDF-skjal sem hlaða þarf niður af innra svæði skattur.is. Hafa skal þetta skjal sem viðhengi á póstinum.

2. Tímabil: Taka skal fram tímabil með upphafs- og lokadagsetningu sem gefur til kynna hvenær nýta skal persónuafsláttinn.

3. Hlutfall: Taka skal fram hlutfall í prósentum af persónuafslætti þínum sem skal nýta.

Mikilvægt er að hafa í huga að "Yfirlit til laungreiðanda" gefur ekki rétta tölu fyrir mánaðamót fyrr en eftir 15. dags mánaðar á undan. Svo vinsamlega sendið skjalið eftir þann dag.

Ef starfsmaður vill hætta að nýta persónuafslátt sinn hjá Háskólanum skal senda póst þess efnis á laun@hi.is.

Launadeildin sér um að gera samgöngusamninga við starfsfólk skólans. Hægt er að velja um að fá frítt í íþróttahúsið, eða kaupa 12 mánaða strætókort á verði níu mánaða ásamt því að fá 15.000 krónur endurgreiddar. Skilyrði til þess að geta gert samgöngusamning við Háskólann eru þessi:

1. Starfsmaður þarf að vera í a.m.k. 50% starfi.

2. Starfsmaður skuldbindur sig til þess að ganga/hjóla eða taka strætó í a.m.k. 60% tilvika þegar ferðast er í vinnuna.

Hér má nálgast samgöngusamninginn. Einungis þarf að prenta út og skanna hann til verkefnisstjóra viðkomandi fræðasviðs. Einnig er hægt að koma við á launadeildinni og ganga frá þessu á staðnum.

Vinnustund er tímastimplunarkerfið sem Háskóli Íslands notast við. Allir starfsmenn, fyrir utan akademíska, eiga að vera í Vinnustund. Um leið og starfsmaður er ráðinn í starf innan Háskólans fær hann aðgang að Vinnustund.

Hér er hlekkur um hvernig skal skrá sig inn í Vinnustund í fyrsta skipti og hvernig sjálfsþjónustan virkar. Ef ekki finnst lausn við vandamálinu þar er hægt að senda póst á verkefnisstjóra viðkomandi fræðasviðs.

Hægt er að tengjast Vinnustund í gegnum Uglu á þægilegan hátt. Inn- og útstimplun er innbyggt í Ugluna. Hér eru upplýsingar um Vinnustund í Uglunni.

Þegar starfsmenn ríkisins eru í skuld við tollstjóra, dregst upphæðin sjálfkrafa af launum viðkomandi. Undir frádráttarliðum á launaseðli má sjá upphæðina. Launadeildin hefur ekki upplýsingar um hvernig skuldin er tilkomin en nánari upplýsingar um þennan frádráttarlið er hægt að sjá inn á innri vef Ísland.is eða hjá tollstjóra.

Til að fá staðfestingu á starfstímabili skal senda póst á verkefnisstjóra fræðasviðs þíns. Ef staðfestingin er fyrir Vinnumálastofnun, þá sendir launadeildin rafræna staðfestingu beint til Vinnumálastofnunar.

Launadeildin heldur utan um skráningu fæðisfjár og matarmiða. Til þess að eiga rétt á þessum hlunnindum þarf að vera í a.m.k. 50% starfi. Ef starfsmaður vill breyta á milli fæðisfjár og matarmiða skal senda póst á verkefnisstjóra viðkomandi fræðasviðs. Doktorsnemar á rannsóknarstyrkjum eiga ekki alltaf rétt á fæðisfé/matarmiðum en það fer eftir því hvort nægt fé sé inn á rannsóknarreikningnum.

Nemendur fá einnig afslátt af fæði í Félagsstofnun stúdenta en hér má sjá upplýsingar um þau hlunnindi nemenda.

Starfsmenn vinna sér ávallt inn orlof með störfum sínum við Háskóla Íslands. Þegar um fulla vinnu er að ræða er yfirleitt búist við því að starfsmenn taki orlofið sitt út sem frí á orlofstímabili en þegar um minni og tímabundna samninga er að ræða er orlofið stundum greitt út meðfram mánaðarlaunum. Þetta er þó samningsatriði sem kemur fram á ráðningarsamningnum. Orlof er greitt út í maí af vörsluaðilanum Arion banka

Nánari upplýsingar um orlofstöku starfsfólks er að finna hér.

Launadeildin sér ekki um verktakagreiðslur. Gjaldkeri sér um afgreiðslu reikninga og má hafa samband við hann í gegnum netfangið birnabjo@hi.is.

Hér er hlekkur á starfsmannahandbókina en þar er að finna ógrynni af upplýsingum.