Streymi frá fyrirlestri forseta Íslands

Í tilefni þess að um 30 ár eru frá því að Ísland tók á ný upp stjórnmálasamband við Eystrasaltsríkin flytur Guðni Th. Jóhannesson, forseti Íslands, hátíðafyrirlestur í Hátíðasal Aðalbyggingar Háskóla Íslands föstudaginn 26. ágúst kl. 10.30.

Fyrirlesturinn ber yfirskriftina „Icebreaker on the International Scene? Icelandic Support for Baltic Independence 1990-1991“. Í fyrirlestrinum fjallar forseti um stuðning Íslands við sjálfstæðisbaráttu Eystrasaltslandanna árin 1990–1991.

Forsetar Eistlands, Lettlands og Litháens setjast í pallborð að fyrirlestrinum loknum og ræða við forseta Íslands um samskipti ríkjanna. Jón Atli Benediktsson, rektor Háskóla Íslands, stýrir umræðum. 

Viðburðurinn, sem fer fram á ensku er lokaður en verður sendur út í streymi.