Þú í alheiminum – með stórvirkri tölvuvinnslu

Sjáðu alheiminn í nýju ljósi í Stjörnuveri Perlunnar

Ef þú gætir séð fjarlægasta ljós alheimsins frá garðinum þínum, hvernig myndi það líta út? Hvernig verða stjörnuþokur til og hvernig passa þær inn í stóra samhengið, sjálfan alheiminn?

Stjörnufræðingar rannsaka alheiminn og þau fyrirbæri sem í honum finnast með mælingum og athugunum en einnig með því að búa til hermilíkön (e. Simulations), með aðstoð ofurtölva og stórvirkri tölvuvinnslu, og reyna þannig að svara óteljandi spurningum um alheiminn.

Háskóli Íslands býður gestum á opinn fyrirlestur um alheiminn og hvernig líkön af honum eru gerð í gegnum stórvirka tölvuvinnslu (e. High-Performance Computing). Viðburðurinn er fyrir unga sem aldna sem vilja fræðast nánar um alheiminn og þau vísindi og þá tækni sem liggur að baki rannsóknum á honum.

Mark R. Lovell, rannsóknarsérfræðingur á Raunvísindastofnun Háskólans, fræðir gesti um stjörnuþokur og víðáttumikinn alheiminn með tölvugerðum hermilíkönum sem sérstaklega hafa verið unnin með stjörnuver Perlunnar í huga.

Með honum verður Sævar Helgi Bragason, betur þekktur sem Stjörnu-Sævar, og saman munu þeir félagar bjóða upp á eftirminnilega upplifun og þekkingu um gagnverk alheimsins.  

Þá mun Mark einnig fjalla um þá tölvutækni sem býr að baki þeim hermilíkönum sem nýtt eru til rannsókna innan stjörnufræðinnar en til þess þarf gríðarlega öflugar tölvur og tölvuklasa.

Viðburðurinn er hluti af UTmessudögunum 23.-25. maí sem eru undanfarar ráðstefnu UTmessunnar. Hún verður haldin á Grand Hótel miðvikudaginn 25. maí en Háskóli Íslands er einn af samstarfsaðilum UTmessunnar.

Viðburðurinn fer bæði fram á ensku og íslensku.

Ókeypis er á viðburðinn en hann fer fram í þetta eina skipti og fjöldi miða er takmarkaður.

Bóka þarf miða á viðburðinn á tix.is

SMELLTU HÉR TIL AÐ BÓKA MIÐA