Skip to main content

Kynning á bókinni Ef þetta er maður eftir Primo Levi

Kynning á bókinni Ef þetta er maður eftir Primo Levi - á vefsíðu Háskóla Íslands
Hvenær 
27. janúar 2023 16:30 til 17:30
Hvar 

Veröld - Hús Vigdísar

Auðarsal

Nánar 
Aðgangur ókeypis

Stofnun Vigdísar Finnbogadóttur í erlendum tungumálum við Háskóla Íslands og Istituto Italiano di Cultura di Oslo efni til kynningar á þýðingu Magnúsar H. Guðjónssonar á bókinni Ef þetta er maður (Se questo è un uomo) eftir ítalska rithöfundinn Primo Levi. Kynningin fer fram á alþjóðlegum minningardegi Helfararinnar 27. janúar. Stefano Rosatti, aðjunkt í ítölsku við Mála- og menningardeild Háskóla Íslands, mun segja frá höfundinum og tilurð verksins og þýðandinn fjallar um þýðinguna og les valda kafla úr verkinu.

Primo Levi var ítalskur gyðingur og efnafræðingur sem lenti í fangabúðum nasista á Auschwitz árið 1944, þá 25 ára gamall. Þegar rússneskir hermenn komu og frelsuðu fangana var hann nær dauða en lífi.

Bók hans, Se questo è un uomo, kom út árið 1947 og hefur að geyma einn fyrsta og mikilvægasta vitnisburðinn um þær ómennsku aðstæður sem fólk bjó við í fangabúðunum. Frásögnin er látlaus, blátt áfram og nákvæm, sem gefur henni ekki síst áhrifamátt sinn og trúverðugleika. Lesendur sjá hvað menn eru reiðubúnir til að gera til að halda lífi – en líka kærleiksverk og mennsku, þrátt fyrir allt.

Se questo è un uomo kom út hjá Forlaginu árið 2022 undir heitinu Ef þetta er maður í íslenskri þýðingu Magnúsar H. Guðjónssonar. Stefano Rosatti ritaði eftirmála.

Stofnun Vigdísar Finnbogadóttur í erlendum tungumálum við Háskóla Íslands og Istituto Italiano di Cultura di Oslo efni til kynningar á þýðingu Magnúsar H. Guðjónssonar á bókinni Ef þetta er maður (Se questo è un uomo) eftir ítalska rithöfundinn Primo Levi.

Kynning á bókinni Ef þetta er maður eftir Primo Levi