Doktorsvörn í mannfræði - Guðrún Sif Friðriksdóttir

Mánudaginn 24. júní ver Guðrún Sif Friðriksdóttir doktorsritgerð sína í mannfræði sem ber heitið The Battle for Belonging: Reintegration of Ex-combatants in Burundi, eða Barist fyrir samfélagsaðild: Aðlögun fyrrverandi hermanna og skæruliða í Búrúndí. Vörnin fer fram í Hátíðarsal Háskóla Íslands kl.14:00 og er öllum opin.

Andmælendur eru Dr. Peter Uvin, prófessor í stjórnmálafræði við Claremont McKenna College og Dr. Marielle Debos, dósent í stjórnmálafræði við University Paris Nanterre.

Leiðbeinandi Guðrúnar Sifjar er Dr.Sigríður Dúna Kristmundsdóttir, prófessor í mannfræði við Háskóla Íslands. Aðrir í doktorsnefnd eru Dr. Helga Þórey Björnsdóttir, aðjúnkt í mannfræði við Háskóla Íslands og Dr. Mats Utas, prófessor í mannfræði við Háskólann í Uppsölum.

Doktorsvörninni stýrir Dr. Stefán Hrafn Jónsson, deildarforseti Félagsfræði, mannfræði- og þjóðfræðideildar.

Um doktorsefnið

Guðrún Sif Friðriksdóttir er fædd á Akureyri árið 1979. Hún lauk BA-prófi í mannfræði frá Háskóla Íslands árið 2004 og MA-prófi í Hnattvæðingu frá Dublin City University árið 2006. Hún hefur starfað sem verkefnisstjóri að verkefnum tengdum konum, frið og öryggi hjá UN Women í Líberíu og í Suður-Súdan og verkefnum tengdum kynbundnu ofbeldi hjá UN Women, Laos. Eiginmaður Guðrúnar er Ingólfur Gíslason, aðjúnkt við Menntavísindasvið Háskóla Íslands.