Skip to main content

Menningarfræði - doktorsnám

Menningarfræði

240 einingar - Doktorspróf

. . .

Doktorsnám í menningarfræði skapar vettvang fyrir einstaklinga sem hafa lokið meistaragráðu eða sambærilegri háskólagráðu á sviði hug- og félagsvísinda eða lista að til að stunda rannsóknir á sviði menningar. Menningarfræði rýnir samfélagið út frá fyrirbærum menningarinnar og greinir því stjórnmál og stjórnkerfi, efnahagslega og félagslega þætti í ljósi birtingarmynda hennar.

Inntökuskilyrði

Framhaldsnám

Umsækjendur þurfa að hafa lokið MA-prófi eða sambærilegu prófi. Umsókn er skilað á umsóknarvef Háskóla Íslands. Nauðsynlegt er að henni fylgi ítarleg lýsing á fyrirhuguðu doktorsverkefni. Í umsókn þarf einnig að koma fram hvaða leiðbeinanda óskað er eftir. Þá er mikilvægt að umsækjendur geri grein fyrir fræðilegum undirbúningi sínum þannig að hægt sé að meta hvort og þá hvaða undirbúningsnámskeið kunna að koma að gagni samhliða náminu eða áður en doktorsnám getur hafist.

Nemendafélög

Nemendur sem stunda doktorsnám á Hugvísindasviði geta gengið í Félag doktorsnema og nýdoktora við Háskóla Íslands. Þeir eru einnig sjálfkrafa skráðir í Félag doktorsnema á Hugvísindasviði sem vinnur að hagsmunamálum doktorsnema á sviðinu, miðlar upplýsingum til þeirra, tilnefnir fulltrúa doktorsnema í ráð og nefndir og stendur fyrir félagsstarfi meðal doktorsnema á Hugvísindasviði.

Getum við aðstoðað?

Skrifstofa Hugvísindasviðs er staðsett á 3. hæð í Aðalbyggingu Háskólans við Sæmundargötu 2.

Skrifstofan er opin kl. 10-12 og 13-15 alla virka daga.
Hægt er að nálgast upplýsingar í síma 525 4400 eða með tölvupósti á netfangið hug@hi.is.

Nemendur við Hugvísindasvið geta einnig nýtt sér þjónustuborð í Gimli auk þess sem athygli er vakin á þjónustuborði Háskólans á Háskólatorgi.

Netspjall