Nýnemadagar
Háskólatorg
Nýnemadagar verða haldnir dagana 3. - 7. september. Boðið verður upp á glæsilega dagskrá þar sem skemmtun, fróðleikur og fjör ræður ríkjum.
Mánudaginn 3. september á milli klukkan 11:30 og 13:00 kynnir Háskóli Íslands ýmsa þjónustu sem nemendum stendur til boða á Háskólatorgi. Nemendur geta til að mynda hitt starfsfólk frá Náms- og starfsráðgjöf, Skrifstofu alþjóðasamskipa, Nemendaskrá, Tungumálamiðstöð, Landsbókasafni og sérfræðing í Smáuglunni – appi Háskóla Íslands. Á staðnum verða líka fulltrúar frá Stúdentaráði, Ritveri, Háskólakórnum og Háskóladansinum. Þarna má einnig ná tali af Jafnréttisfulltrúa, fagráði HÍ, jafnréttisnefnd SHÍ, Q félagi hinsegin stúdenta og femínistafélagi HÍ
Stúdentaráð býður nýnemum í gönguferð um Háskólasvæðið kl. 12.30. Lagt af stað frá upplýsingaborði fyrir nýnema á Háskólatorgi.
Upplýsingaborð fyrir nýnema verður opið á Háskólatorgi alla vikuna frá kl. 10 - 14. Þar má fá svör við hinum ýmsu spurningum er varða námið, skólann, staðsetningar, félagslífið, þjónustu og margt fleira.
Nýnemar geta einnig tekið þátt í spurningaleik fyrir nýnema í Uglunni þar sem glæsilegir vinningar eru í boði.
Bendum nýnemum á Nýnemavefinn sem er stútfullur af ítarlegum upplýsingum um háskólasamfélagið, fyrstu skrefin í HÍ og þjónustu, einnig leiðbeiningar fyrir nýnema, fróðleikur og margt fleira.
Samfélagsmiðlar
Endilega fylgist með snapchat Háskóla Íslands undir „haskolasnappid“
Einnig má fylgjast með Háskólanum á Facebook, Twitter, Instagram og YouTube.
Mánudaginn 3. september á milli klukkan 11:30 og 13:00 kynnir Háskóli Íslands ýmsa þjónustu sem nemendum stendur til boða.