Japanskt mál og menning

Hugvísindasvið

Grunndiplóma – 60 ECTS einingar

Japanska er áttunda útbreiddasta tungumál veraldar og hafa tæplega 130 milljónir manna hana að móðurmáli. Kunnátta í japönsku er mikilvæg fyrir pólitísk, menningarleg og efnahagsleg samskipti við Japan.

Sækja um nám

Um hvað snýst námið?

Til viðbótar við tungumálakennslu er jafnframt veitt yfirsýn yfir sögu Japans, japanskar bókmenntir og japanska kvikmyndalist. Nemendur fá einnig innsýn í japanskt samfélag og menningu þar sem þeir læra m.a. um daglegt líf í Japan, fjölskylduna, stöðu konunnar, menntun, hagkerfið, tónlist af ýmsu tagi, myndasögur, teiknimyndir, siði og venjur.

Að loknu tveggja ára námi í japönsku hafa nemendur öðlast grundvallarþekkingu á tungumálinu og eru tilbúnir til framhaldsnáms í japönsku við erlenda háskóla.

Meðal viðfangsefna

Japanskt mál og málnotkun
Þjóðfélag og menning Japans
Japanskar kvikmyndir
Japönsk saga
Japanskar bókmenntir

Lesa meira um námið.

Þessa námsleið er hægt að taka sem 120 eininga aðalgrein og 60 eininga aukagrein.

Skipulag náms

Óháð námsári

Haust
Japanskur framburður og skilningur á töluðu máli I
Japanskt þjóðfélag og menning II
Japönsk málnotkun I
Japanskt ritmál I
Japanskt þjóðfélag og menning I
Vor
Japönsk saga
Japanskur framburður og skilningur á töluðu máli II
Japönsk málnotkun II
Japanskt ritmál II

Japanskur framburður og skilningur á töluðu máli I (JAP103G)

Framburðaræfingar og þjálfun í að hlusta á japönsku. Æfingatímar fara að hluta til fram í málveri.

Nánar um námskeiðið

Japanskt þjóðfélag og menning II (JAP106G)

Markmið þessa námskeiðs er að kynna fyrir nemendum daglegt líf í Japan samtímans. Rætt verður um ýmsar hliðar japansks þjóðfélags út frá samfélagsskipan, menntakerfi, stjórnmálum, efnahagslífi og nútímamenningu. Fyrirlestrar skiptast niður á kennara eftir sérsviðum.

Nánar um námskeiðið

Japönsk málnotkun I (JAP101G)

Þetta er kjarnanámskeiðið í japönsku fyrir byrjendur. Nemendur kynnast helstu reglum í japanskri málfræði. Áherslan er á talmál (samtöl). Nemendur læra að skilja talað mál og tjá sig í töluðu máli á japönsku. Lögð er áhersla á orðaforða daglegs lífs. Fyrirlestrar eru í byrjun viku og síðan fer kennslan fram í litlum hópum. Heimaæfingar og tímapróf verða tíð.

Nánar um námskeiðið

Japanskt ritmál I (JAP102G)

Nemendur læra að lesa og skrifa japönsk tákn, þ.e. kana og kanji. Áhersla er lögð á tileinkun orðaforða og lestur og ritun einfaldra texta.

Nánar um námskeiðið

Japanskt þjóðfélag og menning I (JAP105G)

Markmið þessa námskeiðs er að gefa nemendum innsýn inn í daglegt líf fyrr og nú í Japan. Aðaláherslan mun verða á þjóðfræði, trúarbrögð og hefðir, samspili þessara þátta og hvernig þeir birtast í nútíma menningu Japan.

Nánar um námskeiðið

Japönsk saga (JAP208G)

Yfirlits námskeið þar sem fjallað verður um sögu Japans frá forsögulegum tíma til samtímans. Saga Japans er mikið og stórt verkefni og því verður stiklað á stóru í þessu yfirlitsnámskeiði, en lögð verður áhersla á að nemendur öðlist skilning á þeim samfélagslegu þáttum sem hafa átt sinn þátt í að móta það menningarlega umhverfi sem fyrirfinnst í Japan nútímans. Fyrirlestrar nemenda munu skipa veigamikinn sess í tímum og nemendur hjálpast að við undirbúning á samantekt efnis til undirbúnings fyrir próf. Í rannsóknarverkefni munu nemendur fá tækifæri til að kynna sér ítarlegar sjálfvalið efni innan sögulega rammans.

Nánar um námskeiðið

Japanskur framburður og skilningur á töluðu máli II (JAP204G)

Framhald á námskeiðinu Japanskur framburður og skilningur á töluðu máli I. Áhersla er lögð á framburð og talað mál. Æfingatímar fara að hluta til fram í málveri og að hluta til í litlum hópum undir stjórn kennara.

Nánar um námskeiðið

Japönsk málnotkun II (JAP202G)

Framhald af námskeiðinu Málnotkun I. Aðaláherslan er lögð á undirstöðuatriði í málfræði og orðaforða daglegs lífs. Reglulega verða tekin próf í tímum.

Nánar um námskeiðið

Japanskt ritmál II (JAP203G)

Framhald af námskeiðinu Japanskt ritmál I. Áhersla verður lögð á að lesa, skrifa og skilja hiragana og katakana. Nemendur þurfa að ná tökum á 58 kanji. Reglulega eru próf í tímum.

Nánar um námskeiðið

Öll fög eru skyldufög nemaVValfagBBundið val er háð skilyrðum Námsleiðin í Kennsluskrá

Mögulegt framhaldsnám með þessa menntun

Bóka viðtal í náms-og starfsráðgjöf

Hvað segja nemendur?

Hringur Árnason

Japanskt mál og menning - BA nám

Þetta byrjaði sem áhugamál en breytist fljótt í ástríðu. Það sem greip mig fyrst og fremst var ástríðan sem kennararnir hafa fyrir starfi sínu. Áhugi þeirra á efninu er virkilega smitandi, og eftir fyrsta fyrirlestur er ekki aftur snúið. Nemendahópurinn er smár en félagsandinn er æðislegur, og það er unun að stunda nám innan um hóp sem deilir áhuga á tungumáli sem og japanskri menningu.

—

Spjalla við nemendur

Anna Ingolfovna Skúlason

Japanskt mál og menning BA-nám

Ég hef alltaf haft áhuga á japanskri menningu og bókmenntum svo það var rökrétt framhald að velja BA-nám í japönsku máli og menningu í Háskóla Íslands. Eitt af því besta við námið er að það veitir einstakt tækifæri að læra tungumálið af þremur frábærum kennurum í námsleiðinni sem allir hafa japönsku að móðurmáli. Í náminu er boðið upp á afar áhugverð námskeið um japanska menningu, sögu og kvikmyndagerð sem mér finnst allra skemmtilegast. Þar sem öll námskeiðin eru kennd á ensku þá er nemendahópurinn afar fjölbreyttur og ég er svo heppin að vera hluti af þessum magnaða hópi.

—

Spjalla við nemendur

Hafðu samband

Skrifstofa Hugvísindasviðs
Aðalbygging, 3.hæð - Sæmundargötu 2

Sími: 525 4400 Netfang: hug@hi.is
Opið mánudaga til fimmtudaga frá kl. 10:00–12:15 og 12:45–15:00 og á föstudögum frá kl. 10:00–12:15.

Nemendur á Hugvísindasviði geta einnig nýtt sér Þjónustutorg í Gimli og Þjónustuborð á Háskólatorg i. Hægt er að nálgast upplýsingar í netspjalli hér á síðunni.

Fylgstu með Hugvísindasviði.