Kynningarfundur fyrir nýnema á Hugvísindasviði
Háskólatorg
Stofa 105
Hugvísindasvið Háskóla Íslands býður nýnemum á kynningarfund í stofu 105 á Háskólatorgi, föstudaginn 18. ágúst kl. 13:00. Smellið hér til að fylgjast með streymi frá fundinum.
Dagskrá:
- Ávarp Jóns Atla Benediktssonar, rektors Háskóla Íslands.
- Kynning á Hugvísindasviði. Ólöf Garðarsdóttir, forseti Hugvísindasviðs.
- Kynning á Uglu – innri vef HÍ.
- Kynning á félagsstarfi nemenda.
Að fundinum loknum verða kynningarfundir í deildum og hefjast þeir kl. 14:00. Þar verður greint frá námstilhögun og veittar nánari upplýsingar um nám og félagsstarf í viðkomandi deildum:
- Deild heimspeki, sagnfræði og fornleifafræði í stofu 104 á Háskólatorgi.
- Íslensku- og menningardeild í Árnagarði, stofu 201. (Fundurinn verður hálftíma langur og honum lýkur með kynnisferð um háskólasvæðið og Eddu, nýtt hús íslenskunnar).
- Mála- og menningardeild í stofu 105 á Háskólatorgi.
Guðfræði- og trúarbragðafræðideild heldur sinn kynningarfund í stofu 229 í Aðalbyggingu, mánudaginn 21. ágúst kl. 12:00-13:00.
Kennsla hefst mánudaginn 21. ágúst. Nýnemadagar Háskóla Íslands hefjast 4. september.
Á nýnemavef Háskóla Íslands, vef Stúdentaráðs og á vef Hugvísindasviðs eru gagnlegar upplýsingar fyrir nýnema um námið og skólann, þar á meðal stundaskrár. Eins er hægt að fá innsýn í starfið á facebooksíðum skólans og sviðsins og á Instagram síðum sviðs og skóla.
Ef einhverjar spurningar vakna um námið er hægt að hafa samband við starfsfólk á skrifstofu í síma 525 4400, senda okkur tölvupóst á netfangið hug@hi.is eða koma við á skrifstofu sviðsins í Aðalbyggingu (3. hæð); hún er opin kl. 10-12 og 13-15 virka daga.