Kynning á meistaranámi í iðnaðarlíftækni

Kynningarfundur fyrir nýja og spennandi meistaranámsleið í iðnaðarlíftækni fer fram fimmtudaginn 11. apríl kl. 16.30 í stofu HT-102 á Háskólatorgi.

Heilbrigðisvísindasvið og Verkfræði- og náttúruvísindasvið Háskóla Íslands standa saman að námsleiðinni í nánu samstarfi við alþjóðlega lyfjafyrirtækið Alvotech. Námsleiðin skapar ótal möguleika fyrir nemendur til þátttöku í nýsköpun á sviði líftækni.

Námið er kjörið fyrir þá sem hafa lokið grunnnámi í raun- eða lífvísindum, heilbrigðisvísindum, verkfræði eða öðru sambærilegu námi og í náminu öðlast nemendur víðan skilning á nýtingu líftækninnar í iðnaði.

Nemendum gefst færi á að vinna hagnýt rannsóknarverkefni í samstarfi við íslensk líftæknifyrirtæki eins og Alvotech og sérfræðingar úr íslensku atvinnulífi og vísindamenn frá Alvotech koma að kennslu í náminu.

Námið skapar nemendum ótal tækifæri í atvinnulífi, bæði hjá sprotafyrirtækjum og stærri fyrirtækjum og stofnunum í líftækni.

Nánari upplýsingar á vef námsleiðarinnar

Dagskrá kynningarfundarins verður birt innan skamms en fundurinn er opinn öllum áhugasömum.

Umsóknarfrestur um meistaranám í Háskóla Íslands í er til 15. apríl