10. nóvember kl. 11.30-12.10
HT-300
Fulltrúar frá Alþjóðasviði kynna möguleika á Erasmus+ og Aurora styrkjum fyrir styttri námsdvölum erlendis. Markmiðið með styttri dvölum er m.a. að gera enn fleiri nemendum kleift að taka hluta af náminu erlendis.
Erasmus+ styttri starfsþjálfun
Nemendur geta sótt um Erasmus+ styrk fyrir styttri dvöl til starfsþjálfunar eða rannsóknarvinnu (5-30 dagar) en dvölin þarf að vera blönduð með rafrænum hluta (rafræni hlutinn á þó ekki við um doktorsnema).
Erasmus+ stök námskeið
Nemendur geta sótt um Erasmus+ styrk fyrir þátttöku í stöku námskeiði (5-30 dagar) við samstarfsskóla Háskóla Íslands í Evrópu. Dvölin þarf að vera blönduð með rafrænum hluta (rafræni hlutinn á þó ekki við um doktorsnema).
Aurora stök námskeið
Nemendur sem hafa verið samþykktir til þátttöku í námskeiði eða viðburði á vegum Aurora-samstarfsins sem felur í sér styttri dvöl erlendis, að hámarki 30 dagar, eiga þess kost að sækja um Aurora styrk.
Kostir þess að fara í námsdvöl erlendis:
• Fjölbreyttara námsframboð
• Möguleiki á að fá einingar metnar
• Möguleikar á ferða- og dvalarstyrkjum
• Tækifæri til að kynnast tungumáli og menningu annarra landa
• Alþjóðlegt tengslanet
• Dýrmæt reynsla sem getur nýst í frekara námi eða á vinnumarkaði
Kynningin er haldin í tengslum við Alþjóðadaga Háskóla Íslands dagana 8.-10. nóvember.