Vinnustofa kennara: Lagatextar í tungumálanámi

Ármann Halldórsson stýrir vinnustofu fyrir tungumálakennara í Veröld – húsi Vigdísar, stofu 107, þann 19. október kl. 10:00-12:00.

Í vinnustofu kennara að þessu sinni verða skoðaðar nokkrar leiðir til að nálgast það að nota lagatexta í tungumálakennslu, og þá sérstaklega leiðir til að virkja nemendur í að prófa sig áfram með að semja sína eigin texta. Pælt verður í hugmyndum Pat Pattison á þessu sviði og hugað að aðferðum sem höfundar á borð við Björk, John Lennon, Alanis Morisette og Nick Cave hafa notað. Settur verður saman lagalisti á Spotify fyrir vinnustofuna og stefnt að því að til verði nokkrir framtíðarsmellir á þessari morgunstund.

Vinnustofur kennara eru samstarfsverkefni STÍL - samtaka tungumálakennara á Íslandi, Vigdísarstofnunar og Tungumálamiðstöðvar Háskóla Íslands.

Vinnustofan er þátttakendum að kostnaðarlausu og engrar skráningar er krafist. Boðið verður upp á morgunkaffi.

facebook