Samskipti og samkennd: #MeToo á mörkum reynsluheima | Háskóli Íslands Skip to main content

Samskipti og samkennd: #MeToo á mörkum reynsluheima

Samskipti og samkennd: #MeToo á mörkum reynsluheima - á vefsíðu Háskóla Íslands
Hvenær 
14. október 2021 12:00 til 13:00
Hvar 

Fyrirlestrasalur Þjóðminjasafns Íslands

Nánar 
Aðgangur ókeypis

Gústav Adolf Bergmann Sigurbjörnsson er fyrsti fyrirlesari fyrirlestraraðar RIKK – Rannsóknastofnunar í jafnréttisfræðum á haustmisseri 2021. Fyrirlestur Gústavs nefnist „Samskipti og samkennd: #MeToo á mörkum reynsluheima” og verður haldinn kl. 12.00 þann 14. október í fyrirlestrasal Þjóðminjasafns Íslands.

Í fyrirlestrinum mun Gústav kynna fyrirbærafræðilegar nálganir á skilningi okkar á öðru fólki og reifa tengsl samkenndar og samskipta. Hann mun sýna hvernig skilningur á samþættingu þessara tveggja fyrirbæra gefur okkur fyllri mynd af því í hverju það felst að trúa þolendum. Hann mun draga upp mynd af því sem hann kallar vitnisburðarvæðingu frásagnarinnar og hvernig hún spilar stóran þátt í því hvernig okkur mistekst að skilja hvert annað. Hann mun sýna fram á hvernig skilningur á sambandi samskipta og samkenndar dýpkar skilning okkar á tjáningu mismunandi reynsluheima og hvernig þetta síðarnefnda er eitt þeirra stóru verkefna sem gerir #MeToo svo mikilvægt.  

Gústav er doktorsnemi í heimspeki og stundakennari við Háskóla Íslands. Hann rannsakar samskipti og samskiptavanda út frá sjónarhornum fyrirbærafræði og félagsþekkingarfræði. Að fyrirlestri loknum verður upptaka gerð aðgengileg á heimasíðu RIKK og Youtube-rás Hugvísindasviðs.

25. ágúst á þessu ári voru liðin 30 ár frá stofnun RIKK, eða Rannsóknastofu í kvennafræðum einsog stofnunin hét á fyrstu starfsárum sínum. Að því tilefni tekur hádegisfyrirlestraröð stofnunarinnar á haustmisseri 2021 stöðuna á jafnréttisrannsóknum þar sem litið er til þess hvert kvenna-, kynja- og jafnréttisrannsóknir stefna með áherslu á nýja kynslóð rannsakenda á þessu sviði. Umfjöllunarefni fyrirlestrana eru fjölbreytt og endurspegla breiddina í jafnréttisrannsóknum.

Frekari upplýsingar um fyrirlestraröðina má finna á heimasíðu RIKK – rikk.hi.is – og Facebook-síðu stofnunarinnar auk þess sem hægt er að skrá sig á póstlista RIKK hér og fá tilkynningar um viðburði senda í tölvupósti.

Gústav Adolf Bergmann Sigurbjörnsson er fyrsti fyrirlesari fyrirlestraraðar RIKK – Rannsóknastofnunar í jafnréttisfræðum á haustmisseri 2021. Fyrirlestur Gústavs nefnist „Samskipti og samkennd: #MeToo á mörkum reynsluheima” og verður haldinn kl. 12.00 þann 14. október í fyrirlestrasal Þjóðminjasafns Íslands.
Í fyrirlestrinum mun Gústav kynna fyrirbærafræðilegar nálganir á skilningi okkar á öðru fólki og reifa tengsl samkenndar og samskipta. Hann mun sýna hvernig skilningur á samþættingu þessara tveggja fyrirbæra gefur okkur fyllri mynd af því í hverju það felst að trúa þolendum. Hann mun draga upp mynd af því sem hann kallar vitnisburðarvæðingu frásagnarinnar og hvernig hún spilar stóran þátt í því hvernig okkur mistekst að skilja hvert annað. Hann mun sýna fram á hvernig skilningur á sambandi samskipta og samkenndar dýpkar skilning okkar á tjáningu mismunandi reynsluheima og hvernig þetta síðarnefnda er eitt þeirra stóru verkefna sem gerir #MeToo svo mikilvægt.  
Gústav er doktorsnemi í heimspeki og stundakennari við Háskóla Íslands. Hann rannsakar samskipti og samskiptavanda út frá sjónarhornum fyrirbærafræði og félagsþekkingarfræði. Að fyrirlestri loknum verður upptaka gerð aðgengileg á heimasíðu RIKK og Youtube-rás Hugvísindasviðs.
25. ágúst á þessu ári voru liðin 30 ár frá stofnun RIKK, eða Rannsóknastofu í kvennafræðum einsog stofnunin hét á fyrstu starfsárum sínum. Að því tilefni tekur hádegisfyrirlestraröð stofnunarinnar á haustmisseri 2021 stöðuna á jafnréttisrannsóknum þar sem litið er til þess hvert kvenna-, kynja- og jafnréttisrannsóknir stefna með áherslu á nýja kynslóð rannsakenda á þessu sviði. Umfjöllunarefni fyrirlestrana eru fjölbreytt og endurspegla breiddina í jafnréttisrannsóknum.
Frekari upplýsingar um fyrirlestraröðina má finna á heimasíðu RIKK – rikk.hi.is – og Facebook-síðu stofnunarinnar auk þess sem hægt er að skrá sig á póstlista RIKK hér og fá tilkynningar um viðburði senda í tölvupósti.

Samskipti og samkennd: #MeToo á mörkum reynsluheima