Opin vinnusmiðja vegna umsókna í Rannsóknasjóð (Rannís)

Vinnusmiðjan er fyrir alla starfsmenn Félagsvísindasviðs og eru nýir starfsmenn og doktorsnemar sérstaklega hvattir til að mæta.

Í vinnusmiðjunni verður unnið með umsóknir í Rannsóknasjóð (Rannís). Vinnusmiðjan hefst á stuttu innleggi frá umsjónarmönnum, þar sem farið verður yfir ýmsa ferla, kerfi og helstu nýjungar. Aðstoð verður veitt vegna verkefnislýsinga, fjárhagsgerðar, umsóknarkerfis o.fl.

Í beinu framhaldi geta þátttakendur komið með sínar eigin vangaveltur á þeim stað sem hver og einn er staddur í umsóknarferlinu og fengið beina aðstoð frá umsjónarmönnum.

Hvorki er þörf á fyrri reynslu né þekkingu á umsóknarskrifum til að taka þátt í þessari vinnusmiðju. Þátttakendur mæta með sínar umsóknir, hugmyndir og vangaveltur og taka virkan þátt í vinnusmiðjunni þar sem fagaðilar leiða vinnuna.

Kennsla: Hulda Proppé rannsóknastjóri FVS, Sigrún Daníelsdóttir Flóvenz verkefnisstjóri FVS og Ólafur Jón Jónsson verkefnisstjóri FVS