Meistarafyrirlestur í efnafræði - Linda A. Hancock
VR-II
Stofa 158
Meistaranemi: Linda A. Hancock
Heiti verkefnis: In vivo greiningar á efnasambandi með Mo2O2S4-kjarna
___________________________________________
Deild: Raunvísindadeild
Leiðbeinandi: Sigríður Guðrún Suman, prófessor við Raunvísindadeild
Einnig í meistaranefnd: Sigríður Jónsdóttir, fræðimaður við Raunvísindastofnun Háskólans
Prófdómari: Gissur Örlygsson, verkefnastjóri á Nýsköpunarmiðstöð Íslands
Ágrip
Flokkur efnasambanda með “Mo2O2S4” kjarnann var sýndur hvatavirkur fyrir umbreytingu síaníðs í þíósíanat ex vivo og jafnframt sýnir lítlar eitrunarverkanir gegn mismunandi frumutegundum í in vitro tilraunum. Eitt efni úr þessum flokki var valið til að framkvæma in vivo tilraunir. Það var gefið NMRI músum með inngjöf í kviðarhol við nokkra styrki til að ákvarða upptöku, dreifingu og útskolun efnasambandsins, sem og virkni þess sem mótefni gegn blásýrueitrun í innöndunartilraunum.
Ákvörðun upptöku, dreifingar og útskolunar fól í sér magnbundna greiningu á molybdenum í blóðsýnum músanna sem styrk Mo sem fall af tíma. Blóðsýnin voru unnin með klassísku niðurbroti í sýru og Mo styrkur ákvarðaður með ICP-OES mælingu. LCt50 fyrir HCN gas var ákvarðað fyrir tilraunina með magnbundinni greiningu á loftsýnum teknum við tilraunaaðstæðurnar, og virkni mótefnisins var mæld við sömu aðstæður. Gæðaeftirlit var framkvæmt með notkun staðla til að tryggja tölfræðilegt gildi allra mælinga nýttum í niðurstöður.
Niðurstöðurnar í þessari ritgerð sýna lofandi hegðun efnasambandsins in vivo og býður mögulega uppá áður óþekkta afeitrunarleið sem mótefni fyrir blásýrueitrun.