Kveikja - Þín þekking í þágu heimsins
Námskeiðið er ætlað nemendum á þriðja ári í grunnnámi við Háskóla Íslands en í þessu fyrsta námskeiði gefst nemendum af öðru ári í grunnnámi og fyrsta ári í meistaranámi einnig kostur á að taka þátt.
Vinnan fer fram þvert á námsleiðir og því er mikilvægt að nemendur tilgreini á hvaða sviði og í hvaða deild þeir stunda nám.
Námskeiðið fer fram föstudaginn 17. janúar 2020 kl. 8:00-18:30.
Enn er opið fyrir skráningu nemenda af Heilbrigðisvísinda-, Hug- og Menntavísindasviði.
Frekari upplýsingar má finna á www.hi.is/kveikja
Vilt þú átta þig betur á eigin styrkleikum, efla tengslanetið og um leið öðlast aukna færni í að nýta þekkingu þína og hugmyndir í þágu samfélagsins? Viltu vinna með fjölbreyttum hópi nemenda að nýjum lausnum við áskorunum samtímans, eins og loftslagsbreytingum og aukinni velsæld allra?