Hitamyndataka úr flugvél – ný tækni til þess að fylgjast með jarðhitasvæðum og eldfjöllum
Askja
Stofa 367
Kolbeinn Árnason,verkefnastjóri fjarkönnunar hjá Landmælingum Íslands og verkefnisstjóri við Verkfræðistofnun Háskóla Íslands flytur fyrirlesturinn Hitamyndataka úr flugvél – ný tækni til þess að fylgjast með jarðhitasvæðum og eldfjöllum
Ágrip
Við Verkfræðistofnun Háskóla Íslands hefur verið komið upp tækjabúnaði til hitamyndatöku úr flugvél. Með þessari tækni er hægt að taka samfelldar hitamyndir af stórum svæðum og mæla hitastigsbreytingar á yfirborði sem verða með tímanum. Nemi tækisins er kældur með fljótandi köfnunarefni (niður í -196 °C) til þess að auka næmnina og getur hann greint 0,03 °C hitastigsmun á jörðu niðri. Hitamyndatakan fer fram að næturlagi (eða eftir sólsetur) til þess að útiloka truflandi áhrif af inngeislun sólar á niðurstöðurnar og hægt er að mynda mörg hundruð ferkílómetra stór svæði með 1 m greinihæfni í hverri mælingaferð.