Febrúarbrautskráning 2023

Febrúarbrautskráning kandídata frá Háskóla Íslands fer fram í Háskólabíói föstudaginn 17. febrúar kl. 15. Kandídatar fá þá afhent prófskírteini sín við hátíðlega athöfn.

Athöfnin verður einnig í streymi

Kandídötum er ætlað afmarkað svæði og eru beðnir um að mæta ekki síðar en kl. 14. Hver kandídat verður með númerað sæti sem kemur fram á nafnalista sem afhentur verður með dagskrá við innganginn og er sætaskipan í samræmi við afhendingu prófskírteina. Umsjónarfólk verður á staðnum til að leiðbeina um sætaskipan.

Prófskírteini verða afhent í röð eftir fræðasviðum:

• Félagsvísindasvið
• Heilbrigðisvísindasvið
• Hugvísindasvið
• Menntavísindasvið
• Verkfræði- og náttúruvísindasvið.

Kandídatar fá rafræn bréf með nánari upplýsingum.