Rætt verður um það hvaða hlutverki háskólar gegna við að styrkja fullveldi í lýðræðisríkjum og þá sérstaklega hvernig Háskóli Íslands hefur stuðlað að viðgangi íslenska þjóðríkisins. Hvaða hlutverki gegndi Háskóli Íslands við stofnun fullvalda ríkis á Íslandi? Hvernig geta háskólar stutt við aðlögun íslenskrar menningar og tungumáls að hröðum tæknibreytingum samtímans og viðhaldið þannig menningarlegu fullveldi þjóðarinnar? Hvernig geta háskólar stuðlað að auknu jafnrétti í samfélaginu og gert þannig sem flestum borgurum landsins kleift að taka virkan þátt? Hvaða hlutverki hafa stofnanir á borð við Háskóla Íslands gegnt við að efla íslenskt atvinnulíf og tryggja samkeppnishæfni landsins í framtíðinni?
Málstofustjóri: Magnús Diðrik Baldursson, skrifstofustjóri á rektorsskrifstofu
Kl. 9.30-9.45 Guðmundur Hálfdanarson, prófessor við Sagnfræði- og heimspekideild og forseti Hugvísindasviðs – Stofnun Háskólans og fullveldið
Kl. 9.45-10.00 Þorgerður Einarsdóttir, prófessor við Stjórnmálafræðideild – Háskólinn, fullveldið og jafnrétti
Kl. 10.00-10.15 Eiríkur Rögnvaldsson, prófessor emeritus – Háskólinn, fullveldið og tungan
Kl. 10.15-10.30 Umræður
Kl. 10.30-10.50 Kaffihlé