Hádegisfundur um þróun og horfur í verslun

Það var fjölmennt á hádegisfundi Viðskiptafræðideildar þegar Daníel Svavarsson forstöðumaður Hagfræðideildar Landsbankans hélt kynningu um þróun og horfur í verslun. Hann fór m.a. yfir heildarveltu í smásöluverslun, en um 25 þúsund manns á Íslandi hafa verslun að aðalstarfi. Í árslok 2016 voru 2.236 smásölufyrirtæki í landinu og hefur þeim fækkað síðustu ár. Ytri aðstæður til verslunar á Íslandi eru nú með besta móti. Einnig kom fram í greiningu hans að einkaneysla hefur náð nýju hámarki og hann telji að verslun hafi náð sér að mestu leyti eftir efnahagshrunið.

Hér fyrir neðan má sjá niðurstöður af greiningu á Svavars á þróun í verslun.

Ytri aðstæður verslunar eru almennt hagstæðar

• Vaxandi  kaupmáttur almennings
• Sjálfbær vöxtur einkaneyslu síðustu ár og horfurnar fyrir næstu ár góðar
• Lækkandi innflutningsverð
• Bætt samkeppnisstaða með afnámi tolla og vörugjalda
• Markaðurinn stækkar með fjölgun landsmanna og erlendra ferðamanna

Helstu áskoranir

• Aukin samkeppni við erlenda verslun hér heima og erlendis
• Hár vaxtakostnaður í samanburði við útlönd
• Spenna á vinnumarkaði og mikil hækkun launakostnaðar síðustu ára.
• Aukið flökt á krónunni