Barnavernd - Viðbótardiplóma

Félagsvísindasvið

Barnavernd (ekki tekið inn í námið 2023-2024)

Viðbótardiplóma – 30 einingar

Markmið námsleiðarinnar er að koma til móts við þörf fyrir þverfaglega þekkingu, bæði fræðilega og hagnýta á sviði barnaverndar og auka færni háskólamenntaðra starfsmanna.

Umsækjendur skulu starfa við málsmeðferð hjá barnaverndarnefnd og hafa minnst þriggja ára starfsreynslu á því svið ásamt því að vera í handleiðslu á vegum síns vinnustaðar þann tíma sem námið stendur.

Sækja um nám

Um hvað snýst námið?

Viðbótardiplómanám í barnavernd er 30 eininga nám að loknu grunnnámi á sviði félags-, heilbrigðis- eða menntavísinda.

Áhersla er lögð á vinnu með börn og fjölskyldur þeirra svo og hið margbrotna lagaumhverfi sem barnaverndarstarfsmenn þurfa að hafa þekkingu á. Í allri umfjöllun verða nýjustu rannsóknar á sviðinu hafðar til hliðsjónar svo og gagnreyndar aðferðir sem nýtast í starfi.

Stefnt er að því efla nemendur í starfi og auðvelda þeim að verða leiðtogar á sviði barnaverndar.

Uppbygging náms

Námið er 30 einingar og er sett upp sem hluta nám til eins og hálfs árs sem hægt er að stunda samhliða vinnu.

Skyldunámskeið á námsleiðinni:

Börn og fjölskyldur, 10 einingar
Fagmaðurinn og leiðtoginn í barnaverndarstarfi, 10 einingar
Lög, vinnulag og samstarf, 10 einingar

Fyrirkomulag kennslu

Námið er kennt á íslensku en flestar kennslubækur eru á ensku.

Tvær þriggja daga lotur eru á hverju misseri og auk tveggja umræðutíma sem fara fram gegnum fjarfundarbúnað.

Meginmarkmið

Markmið námsins er að koma til móts við þörf fyrir aukna þekkingu á sviði barnaverndar svo sem með umfjöllun um þroska barna og afleiðingar vanrækslu og ofbeldis.

Haust
Börn og fjölskyldurE
Vor
Lög, vinnulag og samstarfE

Börn og fjölskyldur (FRG123F)

Markmið námskeiðsins er að nemendur öðlist dýpri þekkingu á vinnu með börnum og fjölskyldum sem barnaverndarnefndir hafa afskipti af. Farið verður yfir ríkjandi stefnur og strauma í barnaverndarstarfi. Nemendur munu fá þjálfun og kennslu í viðtalstækni sem nýta má í vinnu með börnum og fjölskyldum og áhersla lögð á að kynna ýmis hjálpargögn í slíkri vinnu.

Nánar um námskeiðið

Lög, vinnulag og samstarf (FRG236F)

Markmið námskeiðsins er að dýpka þekkingu nemenda á barnaverndarlögunum, hlutverki þeirra og samspili við önnur lög svo sem barnalög, grunn- og framhaldsskólalög, félagsþjónustulög, lög um málefni fatlaðs fólks og samhengi þeirra við alþjóðalög og samninga. Leitast verður við að kynna sjónarhorn þeirra sem vinna að barnaverndarmálum á öðrum vettvangi svo sem dómara, lögmanna, réttargæslumanna og formanna barnaverndarnefnda.

Nánar um námskeiðið

Haust
Fagmaðurinn og leiðtoginn í barnaverndarstarfiE

Fagmaðurinn og leiðtoginn í barnaverndarstarfi (FRG311F)

Markmið námskeiðsins er að styrkja leiðandi og faglegt hlutverk barnaverndarstarfsmannsins innan eigin vinnustaðar og úti á vettvangi. Áhersla verður lögð á að kynna aðferðir sem eru líklegar til að viðhalda áhuga og ástríðu fyrir starfinu, svo sem handleiðslu, núvitund og samkennd. Hér verður lögð áhersla á rannsóknir og hvernig þær nýtast í starfi, faglegum þroska, starfþróun og við mat á vinnslu barnaverndarmála.

Nánar um námskeiðið

Öll fög eru skyldufög nemaVValfagBBundið val er háð skilyrðum ENámskeiðið er ekki kennt á misserinuNámsleiðin í Kennsluskrá