Hópsýningin ''5 til 9''

Hópsýningin ''5 til 9'' verður opnuð föstudaginn 26. apríl kl. 17-21 í Gallerí Kirsuberjatréð við Vesturgötu 4 í Reykjavík. Að sýningunni stendur hópur listamanna í samstarfi við nemendur Háskóla Íslands og Listaháskóla Íslands. 

Í vestrænu nútímasamfélagi er 8 klukkustunda vinnudagur talinn vera staðallinn fyrir dags vinnu. Sýningin setur spurningarmerki við kapítalískar hugmyndir um tímann í gegnum jöfnuna ''time = money.''

Listamennirnir Andrew Birk, Patricia Carolina, Ermanno Cristini, Kristján Guðmundsson, Dieter Roth, Wendy Cabrera Rubio vinna að því að skilgreina, gagnrýna, kanna eða snúa við ýmist sértækum skrefum nútímaframleiðslu, eða henni í heild sinni. Þar með beina þau athyglinni að því að endurvekja upplifun mannsins á vinnu og grafa undan reglum fjöldaframleiðslunnar. Umræddir listamenn leitast við að endurvekja mannleg gildi sem hafa fallið í gleymsku, eins og uppgötvun, gleði og leik.

Sýningarstjórn er í höndum nemenda í sýningargerð og sýningarstjórn við Háskóla Íslands og Listaháskóla Íslands en þau eru: Ana Victoria Bruno, Andri Þór Arason, Bernharð Þórsson, Birkir Mar Hjaltested, Daníel Ágúst Ágústsson, Disa Lareau, Dorothea Olesen Halldorsdóttir, Helena Reynis, Hugo LLanes, Inga Haraldsdóttir, María Hjelm, Sunna Björk Erlingsdóttir, Vigdís Þóra Másdóttir, Þórhildur Einarsdóttir.

Leiðsögn: Becky Forsythe