Nýir deildarforsetar á Menntavísindasviði | Háskóli Íslands Skip to main content

Nýir deildarforsetar á Menntavísindasviði

27. mars 2018

Mik­il end­ur­nýj­un verður í stjórn Menntavísindasviðs Há­skóla Íslands í sum­ar þegar fjór­ir nýir deild­ar­for­set­ar taka sæti í stjórn­. Umtalsverðar skipulagsbreytingar hafa átt sér stað á sviðinu undanfarin misseri þar verið er að innleiða nýja deildaskipan sem samþykkt var á fundi háskólaráðs Háskóla Íslands þann 2. febrúar 2017.

Með nýrri deildaskipan verður deildum fræðasviðsins fjölgað úr þremur í fjórar. Þær eru; Deild faggreinakennslu, Deild kennslu- og menntunarfræði, Deild menntunar og margbreytileika og Deild heilsueflingar, íþrótta og tómstunda. Deildarforsetar og varadeildarforsetar eru kosnir í hverri deild til tveggja ára.

Anna Sigríður Ólafsdóttir, prófessor í næringarfræði, verður for­seti Deildar heilsueflingar, íþrótta og tómstunda. Rannsóknir hennar eru á sviði næringar, heilsu og lífshátta. Hún hefur m.a. unnið að rannsóknum á gildi skólamáltíða, heilsueflingu í framhaldsskólum og meðferð við offitu barna. Ársæll Már Arnarsson, prófessor, mun gegna stöðu  varadeildarforseta deildarinnar.

Freyja Hreinsdóttir, dósent í stærðfræði, verður forseti Deildar faggreinakennslu. Rannsóknarsvið hennar eru víxlin algebra og stærðfræðimenntun, einkum og sér í lagi notkun hugbúnaðar við stærðfræðinám og kennslu. Helga Rut Guðmundsdóttir, dósent, mun gegna stöðu varadeildarforseta deildarinnar.

Ingólfur Ásgeir Jóhannesson, prófessor í menntunarfræðum, verður forseti Deildar menntunar og margbreytileika. Meginrannsóknarverkefni hans eru á sviði námskrárfræða, kennslufræði og menntastefnu annars vegar og kynjafræði hins vegar. Guðrún Valgerður Stefánsdóttir, prófessor, mun gegna stöðu varadeildarforseta deildarinnar.

Jónína Vala Kristinsdóttir, dósent í stærðfræðimenntun, verður forseti Deilar kennslu- og menntunarfræði. Hún hefur lengi unnið að rannsóknum með kennurum í grunnskólum um stærðfræðikennslu og á eigin háskólakennslu með samkennurum á Menntavísindasviði. Anna Kristín Sigurðardóttir, dósent, mun gegna stöðu varadeildarforseta deildarinnar.

Jóhanna Einarsdóttir, prófessor í menntunarfræðum ungra barna, er forseti Menntavísindasviðs til 30. júní 2018. Þá tekur nýr forseti fræðasviðsins við embætti þann 1. júlí nk.

Mik¬il end¬ur¬nýj¬un verður í stjórn Menntavísindasviðs Há¬skóla Íslands í sum¬ar þegar fjór¬ir nýir deild-ar¬for¬set¬ar taka sæti í stjórn¬. Frá vinstri: Anna Sigríður Ólafsdóttir, Freyja Hreinsdóttir, Ingólfur Ásgeir Jóhannesson og Jónína Vala Kristinsdóttir.

Netspjall