Viltu taka þátt í ráðstefnu um nýsköpun í heilbrigðisvísindum? | Háskóli Íslands Skip to main content

Viltu taka þátt í ráðstefnu um nýsköpun í heilbrigðisvísindum?

Hvenær 
15. nóvember 2019 12:00 til 16:00
Hvar 

Veröld - Hús Vigdísar

Stofur: VHV-007 og VHV-008

Nánar 
Aðgangur ókeypis

Heilbrigðisvísindasvið Háskóla Íslands efnir til fjórðu nýsköpunarráðstefnunnar föstudaginn 15. nóvember 2019 í Veröld – húsi Vigdísar.

Þér er boðið að taka þátt!

Ráðstefnan er fyrir alla, innan skólans og utan, sem vilja kynna verkefni eða hugmynd um nýsköpun í heilbrigðisvísindum.

Undir nýsköpun fellur til dæmis frumkvöðlastarf, nýjar lausnir og hugmyndir sem unnið er að s.s. nýjar vörur, aðferðir eða leiðir í þjónustu, greiningu og meðferð. Verkefnin þurfa að vera gagnleg  fyrir samfélag og/eða atvinnulíf, vera virðisaukandi eða stuðla að ávinningi.

Ágrip

Til þess að taka þátt þarf að senda inn 200 orða ágrip fyrir miðnætti 10. október 2019.

Ágripið þarf að innihalda stutta lýsingu á hugmynd og tilgangi verkefnis, framkvæmd þess og stöðu. Vísindanefnd Heilbrigðisvísindasviðs mun meta ágrip.

Hér má finna reglur um ágrip og leiðbeiningar varðandi skil á ágripum.

Ekkert þátttökugjald er á ráðstefnuna en allir þurfa að skrá sig, líka höfundar og meðhöfundar sem hyggjast mæta.

Mikilvægar dagsetningar

8. september: Opnað fyrir skráningu

10. október: Skilafrestur ágripa

18. október: Höfundar fá svar um þátttöku

15. nóvember: Nýsköpunarráðstefna 

Nánari upplýsingar á vefsíðu ráðstefnunnar eða með því að senda tölvupóst til hvs@hi.is

Við hlökkum til að sjá þig!

Heilbrigðisvísindasvið Háskóla Íslands efnir til fjórðu nýsköpunarráðstefnunnar föstudaginn 15. nóvember 2019 í Veröld – húsi Vigdísar. Þér er boðið að taka þátt! Ráðstefnan er fyrir alla, innan skólans og utan, sem vilja kynna verkefni eða hugmynd um nýsköpun í heilbrigðisvísindum.

Viltu taka þátt í ráðstefnu um nýsköpun í heilbrigðisvísindum?