Stefnumót við fyrrum skiptinema

Komdu í Stúdentakjallarann í hádeginu og spjallaðu við nemendur við HÍ sem hafa farið í skiptinám. Það er ómetanlegt fyrir þá sem hafa áhuga á að taka hluta af náminu erlendis að hitta nemendur sem hafa nýtt sér tækifærið og farið í skiptinám. Tveir nemendur ætla að segja í stuttu máli frá dvöl sinni og svo verða fyrrum skiptinemar tilbúnir að spjalla og svara spurningum áhugasamra. Fulltrúar frá Skrifstofu alþjóðasamskipta verða á staðnum auk fulltrúa í alþjóðanefnd Stúdentaráðs.

Hlökkum til að hitta ykkur!