60 eininga nám í íslensku og námskeiðum af Menntavísindasviði
Íslenskubrú er sniðin að þeim sem hafa íslensku sem annað tungumál og starfa í skóla eða frístundastarfi. Meginmarkmið námsins er að efla íslenskukunnáttu nemenda, fjölga fagfólki af erlendum uppruna í íslensku menntakerfi og renna styrkari stoðum undir fjölmenningu í skóla- og frístundastarfi.
Umsóknarfrestur er til 20. maí en sótt er um á vef HÍ, grunnnám, námsleiðina Íslenska sem annað mál, BA 120 ECTS.
Með rafrænni umsókn skal skila greinargerð og efst á blaði verður að koma fram að sótt sé um Íslenskubrú. Við mat á umsóknum verður tekið mið af starfsreynslu og íslenskukunnáttu.
Inntökuskilyrði: Erlent ígildi íslensks stúdentsprófs eða sambærilegt próf. Nánari upplýsingar er að finna í 17. grein reglna um inntökuskilyrði í grunnnám nr. 331-2022. Auk þess þurfa nemendur að standast lágmarkskröfur á inntökuprófi í íslensku. Færnikröfur miðast við Icelandic Online I og II sem opið er á Netinu (https://icelandiconline.com/). Standist nemendur inntökupróf fara þeir í viðtal þar sem skráning í námskeið er staðfest.
Nemendur greiða árlegt skrásetningargjald við Háskóla Íslands líkt og aðrir nemendur.
Kennslufyrirkomulag
Kennt er á íslensku og sækja nemendur vikulega kennslustundir í námskeiðunum í íslensku en kennt er tvisvar í viku. Nemendur eru saman í hóp og fá þannig tækifæri til að beina athyglinni að starfsvettvangi sínum í náminu. Verkefnastjóri á vegum Menntavísindasviðs heldur utan um nemendahópinn og veitir ráðgjöf og stuðning, t.d. varðandi val á námskeiðum á Menntavísindasviði. Í boði er að taka Íslenskubrú sem fullt nám á einu ári eða hlutanám á tveimur árum. Námskeiðin Íslenskt mál I og II verður að taka á fyrra árinu.
Haustmisseri
Vormisseri
Auk þessara námskeiða hafa nemendur val um námskeið í íslensku, Talþjálfun I og II, Málfræði I og II og námskeið úr grunnnámi á Menntavísindasviði.
Námskeið innan Menntavísindasviðs eru í boði þegar nemendur hafa lokið að lágmarki 30e af íslenskunámskeiðunum.
Nánari upplýsingar veitir verkefnisstjóri, Lára Hreinsdóttir, larahr@hi.is
Námið er samstarfsverkefni Menntavísindasviðs og Hugvísindasviðs.