Nemendur, sem lokið hafa B.A.-prófi með þýsku sem aðalgrein og I. einkunn (7,25) eða jafngildi þess, geta bætt við sig 120 einingum og lokið M.A.-prófi í þýsku. Um er að ræða einstaklingsmiðað framhaldsnám með sérhæfingu á sviði málvísinda, bókmennta eða þjóðlífs og menningar þýska málsvæðisins sem veitir þjálfun í sjálfstæðum fræðilegum vinnubrögðum. Gert er ráð fyrir að nemendur taki hluta námsins (alla jafna 30-60 einingar) í námskeiðum við erlenda samstarfsháskóla en taki ákveðin skyldunámskeið og skrifi lokaritgerð við Háskóla Íslands. Þær einingar sem upp á vantar eru teknar í valnámskeiðum í þýsku eða öðrum greinum við Háskóla Íslands.
Hægt er að hafa samband við verkefnastjóra deildar og verkefnastjóra alþjóðamála til að fá nánari upplýsingar um nám og skiptinám.