Háskóli Íslands

Ungir karlar og kynlíf. Upplifun ungra karla af kynlífsmenningu framhaldsskólanema

Hvenær hefst þessi viðburður: 
28. mars 2017 - 16:20
Staðsetning viðburðar: 
Nánari staðsetning: 
K-208
Stakkahlíð

Námsbraut um kennslu í framhaldsskólum og Rannsóknarstofa um þróun skólastarfs við Háskóla Íslands boða til funda um rannsóknir á framhaldsskólastarfi. Málstofurnar, sem verða átta/níu talsins, verða haldnar í húsnæði Menntavísindasviðs Háskóla Íslands við Stakkahlíð. Erindin eru að jafnaði um 20 mínútur og jafnlangur tími er ætlaður til umræðna. Erindin eru flutt á íslensku nema annað sé tekið fram.

Kolbrún Hrund Sigurgeirsdóttir, verkefnastýra jafnréttismála hjá Skóla- og frístundasviði Reykjavíkurborgar, og Þórður Kristinsson, kennari við Kvennaskólann í Reykjavík, halda fyrirlestur undir yfirskriftinni: Ungir karlar og kynlíf. Upplifun ungra karla af kynlífsmenningu framhaldsskólanema.

Ágrip: Kynnt er rannsókn af upplifun ungra karla af kynlífsmenningu framhaldsskólanema. Rannsóknin er framhald af rannsókn Kolbrúnar um upplifun ungra kvenna af kynlífsmenningunni. Í báðum rannsóknunum er rýnt í þá þætti sem viðmælendur töldu helst hafa áhrif á kynlífsmenningu ungs fólks, svo sem vinahópinn, samskiptamiðla, klám, útlitsdýrkun og kynlífs- og klámvæðingu.

Allir velkomnir meðan húsrúm leyfir.

Upptökur af völdum fyrirlestrum hafa birst á vef Rannsóknarstofu um þróun skólastarfs.

Þú ert að nota: drupalcl1.rhi.hi.is