Skip to main content

Viðmið og kröfur um gæði doktorsnáms við HÍ

Viðmið um kröfur og gæði doktorsnáms við Háskóla Íslands voru samþykkt á 8. háskólaþingi 18. apríl og í háskólaráði 3. maí 2012.

Háskóli Íslands hefur heimild mennta- og menningarmálaráðherra til að bjóða doktorsnám á öllum fræðasviðum sínum, skv. lögum um háskóla nr. 63/2006 og reglum um doktorsnám í háskólum nr. 37/2007. Var heimildin veitt að undangenginni faglegri úttekt erlendra sérfræðinga á árunum 2008 og 2009.

Við Háskóla Íslands er lögð rík áhersla á að tryggja að doktorsnámið sé í samræmi við alþjóðlega viðurkenndar kröfur. Árið 2004 samþykktu háskólafundur og háskólaráð formleg viðmið og kröfur um gæði doktorsnáms við Háskóla Íslands og voru þau endurskoðuð árið 2012.

Miðstöð framhaldsnáms við Háskóla Íslands var sett á laggirnar árið 2009 með það hlutverk að tryggja og efla gæði doktorsnáms við skólann og fylgja eftir settum viðmiðum og kröfum, sbr. 66. gr. reglna Háskóla Íslands nr. 569/2009

Viðmiðin má lesa í heild sinni í PDF-útgáfu hér fyrir neðan.

Prentútgáfa