Læst landamæri og útvistun vandamála? Ný stefna Evrópusambandsins í málefnum flóttafólks og áhrif hennar á Íslandi
Evrópuþingið hefur nýlega samþykkt nýjan pakka af reglum í málefnum innflytjenda og flóttafólks. Í erindinu verður lýst helstu breytingum í regluverki ESB sem eru fyrirhugaðar og þær settar í samhengi við þróun innan ESB í málefnum flóttafólks.
Breytingarnar eru almennt í þá veru að þrengt er að rétti fólks til þess að sækja um alþjóðlega vernd innan Evrópusambandsríkja, einungis takmarkaðar aðgerðir eru fyrirhugaðar til þess að bregðast við stöðu helstu móttökuríkja (Ítalíu, Grikklands, Möltu), auknar heimildir verða til þess að endursenda fólk til viðkomuríkja utan Evrópu og sérstakar heimildir til þess að draga úr réttarvernd í „neyðaraðstæðum“.
Einnig verður fjallað um hvernig líklegt er að þessar breytingar skili sér til Íslands, þótt þessar reglur verði ekki hluti af EES-samningnum.
Hlekkur á Teams-streymi
Fyrirlesari: Kári Hólmar Ragnarsson, lektor við lagadeild Háskóla Íslands
