Afgreiðsla umsókna um framhaldsnám tekur að jafnaði 4-6 vikur. Rafrænt umsóknareyðublað er aðgengilegt hér á umsóknartíma.
Umsóknarfrestur í framhaldsnám (nám á meistarastigi og doktorsnám) er til 15. apríl* en til 15. október ef sótt er um innritun í framhaldsnám á vormisseri (þ.e. ef deildir heimila innritun á vormisseri).
*Undantekning: Umsóknarfrestur um diplómanám á meistarastigi í deildum Félagsvísindasviðs er t.o.m. 5. júní.
Ekki verður tekið við síðbúnum umsóknum.
Engin skólagjöld eru í Háskóla Íslands en árlegt skrásetningargjald er kr. 60.000 (kr. 43.500 ef sótt er um innritun á vormisseri).
Reglur deilda kveða á um nauðsynlegan undirbúning og prófgráður sem krafist er sem undanfara framhaldsnáms í hverju tilviki. Misjafnt er hvaða fylgigagna er krafist með umsókn. Nánari upplýsingar má finna í Kennsluskrá og á vefjum fræðasviða og deilda.