Háskóli Íslands

Málþing til heiðurs Önnu Agnarsdóttur

Hvenær hefst þessi viðburður: 
13. maí 2017 - 14:00 til 17:00
Staðsetning viðburðar: 
Nánari staðsetning: 
Hátíðasalur
Anna Agnarsdóttir
Í tilefni af sjötugsafmæli Önnu Agnarsdóttur, prófessors við Sagnfræði- og heimspekideild Háskóla Íslands, efna Sagnfræðistofnun og Sögufélag til málþings henni til heiðurs.
 
Anna hefur verið ötull fræðimaður á sviði utanríkissögu Íslands, sérstaklega samskiptum Íslendinga og Breta á fyrstu áratugum 19. aldar. Hún hefur skrifað fjölda fræðigreina og rita sem gefin hafa verið út hérlendis og erlendis. Nýlega gaf hún út safn frumheimilda um breska náttúrufræðinginn Sir Joseph Banks. Anna hefur gegnt fjöldamörgum trúnaðarstörfum fyrir sagnfræðinga og Háskóla Íslands, m.a. verið forseti heimspekideildar og forseti Sögufélags.
 
Ræðumenn verða ýmsir samstarfsmenn Önnu. Þeirra á meðal eru Jón Atli Benediktsson, rektor Háskóla Íslands, sagnfræðingarnir Guðni Th. Jóhannesson, Guðmundur Hálfdanarson, Guðmundur Jónsson, Erla Hulda Halldórsdóttir, Helgi Skúli Kjartansson, Hrefna Róbertsdóttir, Margrét Gunnarsdóttir, Ólöf Garðarsdóttir,  Sverrir Jakobsson, Valur Ingimundarson og Þór Whitehead. Auk þess munu stíga á stokk „fulltrúar annarra fræðigreina“, „fulltrúar tímabila“, „fulltrúar Sögufélags“ og „fulltrúar erlendra ríkja“. Fundarstjóri verður Ragnheiður Kristjánsdóttir.
 
Klukkan 17:00 er móttaka þar sem  boðið verður upp á léttar veitingar
 
Allir eru velkomnir meðan húsrúm leyfir!
 
Þú ert að nota: drupalcl1.rhi.hi.is