Skip to main content

Alþjóðlegt samstarf

Hugvísindasvið leggur áherslu á alþjóðleg samskipti og leitast við að skapa nemendum fjölbreytt tækifæri til að stunda hluta náms við erlenda háskóla. Það eykur gæði og fjölbreytni námsins og undirbýr nemendur fyrir líf og starf að námi loknu. Skiptinám er einstakt tækifæri til að kynnast nýju fólki, menningu og tungumáli.

Háskóli Íslands er í samstarfi við yfir 500 háskóla um allan heim. Nemendur Hugvísindasviðs sem hafa lokið 60 ECTS einingum geta að öllu jöfnu sótt um að fara í skiptinám í eitt eða tvö misseri. Í námi á Norðurlöndunum og í Evrópu eru ferða- og dvalarstyrkir í boði en utan Evrópu eru skólagjöld felld niður eða lækkuð. Þá nýtur starfsnám í öðrum Evrópulöndum vaxandi vinsælda. Bæði ferða- og dvalarstyrkir standa til boða þeim sem leggja stund á slíkt nám.

Nánari upplýsingar
Ítarlegar upplýsingar um skiptinám, starfsnám, sumarnám og samstarfsskóla er að finna á vef Skrifstofu alþjóðamála.

Alþjóðafulltrúi
Við Hugvísindasvið starfar verkefnastjóri alþjóðamála sem þjónustar allar deildir sviðsins á skrifstofutíma, frá 10-12 og 13-15 alla virka daga.

Guðrún Birgisdóttir, verkefnastjóri alþjóðamála, s: 525 4262, gb@hi.is