Tungumálamiðstöð HÍ skipuleggur margskonar tungumálanámskeið til að mæta þörfum nemenda og starfsmanna HÍ.
Rík áhersla er lögð á nemendastýrt nám þar sem nemandinn stjórnar öllum helstu þáttum námsins með aðstoð kennara. Hann setur sér markmið, velur mismunandi aðferðir í náminu og vinnur með efni sem tengist áhugasviði eða sérgrein hans. Þannig er tungumálanámið sniðið að þörfum hvers nemanda.
Tungumálamiðstöð Háskóla Íslands er opin öllum nemendum og starfsfólki Háskólans sem vilja leggja stund á tungumálanám.
Í Tungumálamiðstöðinni er aðstaða fyrir nemendur til tungumálanáms.
Námskeiðin eru opin öllum nemendum HÍ, þeim að kostnaðarlausu.
Tungumálamiðstöðin skipuleggur einnig tungumálanámskeið fyrir starfsfólk HÍ.
Boðið er upp á fjarnám í íslensku sem erlendu máli, með eða án aðstoðar kennara, á vefnum Icelandic Online.
Tungumálamiðstöðin hefur umsjón með prófunum SIELE og TestDaF á Íslandi.
SIELE: Servicio Internacional de Evaluación de la Lengua Española
Tungumálamiðstöð HÍ býður nú upp á rafrænt stöðupróf í spænsku: SIELE.
SIELE er alþjóðlegt, rafrænt spænskupróf sem skipulagt er af Instituto Cervantes, Universidad Autónoma de México, Universidad de Salamanca og Universidad de Buenos Aires.
Prófið skiptist í fjóra hluta: lesskilningur, hlustun, ritun og talmál. Hægt er að taka staka prófhluta eða alla. Prófið tekur mið af Evrópska tungumálarammanum (CEFR).
Skráning og greiðsla prófgjalds fer fram rafrænt á vef SIELE.
Verð fyrir alla prófhluta er 155 € en 55 – 100 € fyrir valda prófhluta. Nánari upplýsingar um verð einstakra prófhluta á vef SIELE.
Allar nánari upplýsingar veitir Eyjólfur Már Sigurðsson: ems@hi.is
TestDaF er rafrænt stöðupróf í þýsku sem er ætlað þeim sem hyggja á háskólanám í Þýskalandi. Prófgjald er 210 Evrur. Skráning og greiðsla fer fram á vef TestDAF.
Tungumálamiðstöðin er meðlimur í CERCLES, samtökum evrópskra tungumálamiðstöðva á háskólastigi og hefur einnig tekið þátt í ýmsum þróunarverkefnum sem styrkt voru af framkvæmdastjórn ESB.
